Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Shoferi i autobusit të aksidentuar në Kroaci mbrohet në heshtje

Politiko 26 Korrik 2021, 17:15

Shoferi i autobusit të aksidentuar në Kroaci mbrohet në heshtje

Drejtuesi i autobusit nga Kosovës, i cili dyshohet se ka shkaktuar aksidentin e rëndë në Sllavonski Brod të dielën, të hënën u mor në pyetje në Zyrën e Prokurorit të Shtetit në Kroaci

Atij i është caktuar një avokat, sipas detyrës zyrtare, dhe është mbrojtur në heshtje, u ka thënë gazetarëve, zëvendës-Prokurori i Shtetit për qarkun në Sllavonski Brod, Franjo Kopuniq.

“Nuk e morëm mbrojtjen e tij. Do të merret një vendim mbi hetimin. Pas kësaj do të propozohet paraburgimi, mbi të cilën do të vendoset nesër”, tha ai.

Ai do të dalë sërish para prokurorisë, të martën në orën 09:00, ku do të vendoset për paraburgim.

Ndërkaq, mbi 20 pacientë, të lënduar nga aksidenti me autobus në Kroaci, janë jashtë rrezikut për jetën, ndërsa, një tjetër është në gjendje kritike.

Drejtori i Spitalit të Përgjithshëm të Sllavonski Brod, Josip Samarxhiq tha se “dy pacientë me rrezik për jetën janë ende në njësitë e kujdesit intensiv dhe gjendja e tyre po monitorohet nga afër dhe i nënshtrohet metodave të kujdesit intensiv”.

Të dielën, dhjetë persona me prejardhje nga Kosova humbën jetën dhe mbi dyzet u plagosën kur autobusi me të cilin udhëtonin, doli nga rruga në qytetin kroat, Sllavonski Brod.

Autobusi me 67 pasagjerë, përfshirë fëmijë, ishte nisur nga Frankfurti për në Prishtinë.

Sipas policisë në Kroaci, identiteti i tetë viktimave është konfirmuar kurse për dy të tjerë po vazhdon procesi i identifikimit.

Të fundit