Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

Kosova

Takimi me Kurtin, Marta Kos: Nuk mund të ketë siguri në Evropë, pa Kosovën

Politiko 15 Maj 2026, 15:03

Takimi me Kurtin, Marta Kos: Nuk mund të ketë siguri në

Komisionerja për Zgjerim e Bashkimit Evropian, Marta Kos deklaroi se nuk mund të ketë siguri në Evropë pa Kosovën, pas takimit me kryeministrin në detyrë, Albin Kurti .

“Ka disa arsye pse themi jeni në një moment kritik. E para, jeni para zgjedhjeve dhe e dyta është se kur kemi folur sot për procesin e zgjerimit kemi folur nga një perspektivë më e gjerë.

Ajo që po përjetojmë sot në procesin e zgjerimit është përparimi dhe për herë të parë pas zgjerimit të fundit në vitin 2013 me Kroacinë, ekzistojnë perspektiva reale që në vitet e ardhshme të ketë shtete të reja anëtare”, tha ajo. 

Komisionerja për Zgjerim tha se ky proces i anëtarësimit po shtyhet para edhe për shkak të çështjeve që kanë të bëjnë me sigurinë.

“...Dhe kur kemi diskutuar për rolin e Kosovës në këtë, nuk mund të ketë siguri në Evropë pa Kosovën. Kosova është pjesë integrale e një ‘pasqyre’ më të madhe. Arsyeja pse zgjerimi sot është shumë më tepër sesa thjesht zgjerim, ka të bëjë me kujdesin për sigurinë në Evropë, me të qenit bashkë, me bashkëpunimin rajonal që e përmendët edhe ju...”, tha ajo në konferencën me Kurtin.

Komisionerja për Zgjerim foli për procesin integrues të Kosovës, duke thënë se ka vend në BE.

“...Sigurisht që ka vend për Kosovën në BE....Sa më e suksesshme të jetë Kosova në përmbushjen e reformave, sa më e suksesshme të jetë në dialogun Prishtinë-Beograd, aq më të mëdha janë gjasat që të jemi në gjendje të nisim negociatat, kjo është politike”, tha Kos.

Ajo theksoi se do të punoj pa u lodhur që ta ofrojë Kosovën më afër BE-së. “Nuk mund të mendojmë një Evropë pa Kosovën në të”, tha ajo.

Të fundit