Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Vjosa Osmani i dërgon mesazh Putinit përmes BBC

Politiko 2 Gusht 2022, 14:37

Vjosa Osmani i dërgon mesazh Putinit përmes BBC

Presidentja e Kosovës, Vjosa Osmani ka dhënë një intervistë për BBC lidhur me tensionet e fundit në veri, ku i ka dërguar edhe një mesazh presidentit rus, Vladimir Putin.

E pyetur se cili është mesazhi i saj për presidentin rus, Osmani u përgjigj: “Ai do të dështojë në Ukrainë dhe do të dështoj absolutisht në qëllimet e tij kur bëhet fjalë për destabilizimin e Ballkanit Perëndimor përmes satelitit të tij, Serbisë”.

Ajo ka thënë se e gjithë kjo situatë ka ardhur si rezultat i përgatitjeve nga Serbia e ndihmuar dhe nxitur nga Rusia.

“Ka pasur përgatitje nga Serbia, e ndihmuar dhe nxitur nga Rusia për një kohë të gjatë për të tentuar përshkallëzimin e Ballkanit Perëndimor, e në veçanti të Kosovës.

Vuçiç në muajt e fundit i ka dhënë mbështetje strukturave ilegale në veri të Kosovës, të cilat përbëhen nga bandat kriminale. Nëpërmjet tyre dhe duke i manipuluar ata janë duke e mbajtur pakicën serbe që jeton në Kosovë, peng të këtyre politikave të gabuara”, deklaroi Osmani.

Kjo e fundit theksoi se Kosova ka fqinj një shtet që kontrollohet plotësisht nga Rusia.

“Por ne duhet të kuptojmë se jetojmë afër një fqinji që kontrollohet plotësisht nga Rusia. Nuk janë akuzat tona ato që përshkallëzojnë situatën, janë veprimet e tyre që përshkallëzojnë situatën dhe po krijojnë tensione. Nëse e themi të vërtetën për synimet e Rusisë dhe Serbisë, kjo nuk do të ndikojë negativisht”, tha presidentja.

Të fundit