Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Krasta-Bashës: Në krah ke tre njerëz të neveritshëm dhe të papranueshëm

Politiko 26 Nëntor 2018, 21:52

Krasta-Bashës: Në krah ke tre njerëz të neveritshëm dhe

Lulzim Basha është i ftuar në emisionin ‘A’ për të folur për aktualitetin politik dhe moderatori Adi Krasta e ka pyetur gjatë intervistës edhe për bashkëpunëtorët në opozitë. Krasta i tha Bashës se mban afër të paktën tre persona që në sytë e publikut kanë një imazh të tmerrshëm dhe të papranueshëm. Ai nuk pranoi të përmendte emrat e këtyre personave.

“Më lejoni t’ju provokoj për të mirën e debatit. Është vënë re në public kohët e fundit, gjatë gjithë kohës,që qendrojnë afër jush një apo disa – po le të themi një – personazh, i cili ka një imazh publik në të dyja anët e politikës, pak të them të tmerrshëm. Të neveritshëm dhe të papranueshëm. Ju kall njerëzve krupën. Me cfarë kostoje personale dhe partiake, ju mbani 3 njerëz të administratave të kaluara, të cilët kanë, nga pikëpamja e marrëdhënieve pi-ar-e, të marrëdhënieve publike, imazh mizerabël”, iu drejtua Krasta-Bashës.

Ky i fundit theksoi se njerëzit me të cilën bashkëpunon kanë për detyrë të fitojnë besimin e publikut.

“Nuk e di për kë e keni fjalën. Unë as nuk mbaj me zor, as nuk largoj me zor askënd. Njerëzit, në pikëpamjen time, në mendësinë time, në formimin tim, duhet ta fitojnë besimin e publikut dhe duhet ta justifikojnë atë në çdo moment”, tha kreu i PD-së.

Moderatori këmbënguli në këtë çështje: “Në qoftëse nuk e fitojnë besimin e publikut, siç ka qëlluar në këtë rast, por përdorin arrogancën, agresivitetin, tipik të PD-së së dikurshme, që i shkaktoi largimin pothuaj të pakthyeshëm ose relativisht të pakthyeshëm, të shumicës së heshtur të njerëzve. Ju lutem, kishit guxim që këtij njeriu apo këtyre njerëzve t’u kishit thënë të paktën qendro në hije ose shut up…”

Basha theksoi se ekipi i ri i PD-së po ndërtohet me njerëz të pastër, me integritet, njerëz që përfaqësojnë vlera njerëzore, morale dhe profesionale, njerëz të përkushtuar ndaj kauzave të kësaj partie dhe vlerave të saj.

“Tani, ajo nuk është gjuha që unë përdor me bashkëpunëtorët. Unë di t’ju them këtë, që në rrethin tim të bashkëpunëtorëve nuk ka kriminelë, nuk ka njerëz të cilët janë të lidhur me kriminelët, dhe nuk ka njerëz të cilët e kanë lidhur fatin e tyre me oligarkët. Ekipi i ri i Partisë Demokratike është një ekip, i cili po ndërtohet në bazë të disa vijave të kuqe. Njerëz të pastër, me integritet, njerëz që përfaqësojnë vlera njerëzore, morale dhe profesionale, njerëz të përkushtuar ndaj kauzave të Partisë Demokratike dhe vlerave të saj. Dhe ky është një process që nuk ndodh sat ë hapësh e të mbyllësh sytë, do rrjedhjen e vet,do kolaudimin e vet me anëtarët e Partisë Demokratike dhe nga publiku i gjerë. Po një gjë mund ta themi me siguri sot, që kriminelët, oligarkët dhe të gjithë ata të cilët janë sot pjesë e problemit, dhe nuk mund të jenë kurrë pjesë e zgjidhjes, shtëpinë dhe strehën e kanë tek partia e Edi Ramës, në Partinë Demokratike kanë një forcë të përbetuar kundër atyre që po marrin peng interesat e vendit. Dhe kjo është vija ekuqe që ndan shapin nga sheqeri. Afër meje nuk do të ketë kurrë njerëz të lidhur me krimin. Në Partinë Demokratike ata nuk do të marrin as përgjegjësi, as përfaqësim të interesave të publikut. Njerëzit që përfaqësojnë Partinë Demokratike dhe njerëzit që nesër do të marrin përgjegjësinë për të qeverisur do të jenë të pakorruptuar, të pashantazhueshëm, dhe të palidhur me krimin”, deklaroi kreu i demokratëve.

http://politiko.al/lulzim-basha-thirrje-efektiveve-te-policise-mos-u-keqperdorni-po-godisni-vellezerit-dhe-motrat-tuaja/