Kryebashkiakja Sako bën bilancin e dëmeve në Durrës

Kryebashkiakja e Durrësit Valbona Sako informoi për situatën në bashkinë e saj pas tërmetit në pasditen e sotme. Sako deklaroi se janë 59 banesa të dëmtuara, 2 shkolla dhe 5 pallate.

“Kemi 59 banesa me dëmtime të plasaritura, shkolla të plasaritura kemi 2 dhe pallate të plasaritura kemi 5. Janë plasaritje që nuk kanë rrezik për jetën e njerëzve. Iu është ofruar ndihmë 26 qytetarëve në spital me dëmtime të lehta. Momentalisht 3 janë në spital, të tjerët janë larguar në shtëpi. Sapo ka ardhur edhe një tjetër i ri dhe po merr mjekim në urgjencë”, tha Sako.