Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kryemadhi në ditën e Mësuesit: Nuk mjafton një status në 'facebook' dhe urimet e politikanëve

Politiko 7 Mars 2018, 11:56
Kryemadhi në ditën e Mësuesit: Nuk mjafton një status

Kryetarja e LSI-së Monika Kryemadhi, sot në 7 Mars, në festën e mësuesve, ka uruar të gjithë arsimtarët. Kryemadhi shprehet se nuk mjafton një status në facebook apo urimet e politikanëve për të falenderuar të gjithë mësuesit.

Reagimi i Monika Kryemadhit:

Një urim i veçantë sot për të gjithë mësuesit në Shqipëri, që çdo ditë me përpjekjet e tyre ndihmojnë në arsimimin e gjeneratës së re.

Urimet sot u shkojnë dhe mësuesve që janë në pension, ata që në kushte të veshtira u përpoqën të ndiznin zjarrin e diturisë te brezat që shkolluan.

Kjo ditë është shenjë e respektit tonë për sakrificat e çdo edukatori, që përtej kufizimeve ekonomike dhe politike u mundua të sillte dijen për brezin e ri.

Për ata mësues që përveç detyrës, ndihmuan dhe sakrifikuan edhe gjatë diktaturës për të mos bërë dallime mes fëmijëve të të persekutuarve, që u ngritën mbi çdo vështirësi dhe kapërcyen pengesat ideologjike për të qënë modeli i fëmijëve në jetë.

Për mësuesit e sotëm, që përtej çdo pengese dhe keqtrajtimi politik ende kanë durimin dhe dëshirën për të edukuar brezat e rinj, për ata edukatorë që në klasa të tejmbushura gjejnë kohën dhe vullnetin të kujdesen për fëmijët me nevoja speciale.

Sot është dita e tyre dhe lulet nuk mjaftojne për të shprehur mirënjohjen ndaj tyre, madje as një status në Facebook apo urimet e politikanëve.

Të gjithë ne duhet të jemi të ndërgjegjshëm dhe të përgjegjshëm, që një ditë si kjo të shërbejë si motivim që të përpiqemi, përballemi me problematikën dhe të luftojmë që mësuesit në Shqipëri të kenë paga më të larta dhe kushte më të mira, të jenë larg ndikimit dhe kapriçiove të politikës, për të patur të rinj të formuar sa më mirë. Kjo nuk është vetëm dita e respektit dhe nderimit ndaj tyre, por dhe dita jonë e ndërgjegjësimit për një vëmendje të shtuar ndaj të gjithë mësuesve në Shqipëri.

 

Të fundit