Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kryeministri Rama: Aktakuza ndaj Thaçit e Veselit, si fletërrufe e revolucionit kulturor kinez

Politiko 25 Qershor 2020, 15:11
Kryeministri Rama: Aktakuza ndaj Thaçit e Veselit, si fletërrufe e

Kryeministri Edi Rama ka reaguar për herë të parë në Kuvend sa i takon njoftimit  për aktakuzën ndaj Presidentit të Republikës së Kosovës, Hashim Thaçi, dhe ish-Kryeparlamentarit të Kosovës, Kadri Veseli.

Rama e konsideron aktakuzën e Prokurorisë si një tekst qe i ngjan nje fletërrufeje te revolucionit kulturor kinez, e qe hedh balte mbi Kosovën dhe gjithë shqiptarinë.

“Befasinë e mbrëmshme kur pothuajse të gjithë jemi prekur me të dëgjuar e lexuar se zyra e prokurorit të specializuar të Kosovës njoftoi që i ka dorëzuar për shqyrtim Tribunalit Special një aktakuzë ku mes të tjerash presidenti Hashim Thaci e ish kryeparlamentari Kadri Veseli që të dy nismëtarë në krijimin e bërthamës së rezistencës së armatosur ndaj regjimit komunist të Milloshevicit, themelues të UCK-së, u dyshuakan për një varg krimesh që sfidojnë dhe kufijtë më të largët të imagjinatës.

Fjala dyshim kur lexon tekstin ku të gjitha tmerret e shpërbërjes se Jugosllavisë ju ngarkohen dy bashkëluftëtarëve që pa mbushur të 30 i hynë detit me këmbë, dhe duke vendosur jetën e tyre në pikëpyetje përballë të gjitha parashikimeve e këndvështrimeve të kohës sipas të cilave Kosova e pavarur ishte një herezi ndërkombëtare. Kthehet vërtet fjala dyshim në një eufemizëm juridik.

Drejtësia është drejtësi e nuk është drejtësia në vetvete e as kërkimi i saj nga një strukturë e miratuar me vullnetin e vetë Kuvendit ët Kosovës që ngre pikëpyetje të mëdha të rënda e të papranueshme në heshtje.

Por është leximi i tekstit të shpërndarë në mbarë botën për të lajmëruar një proces ndaj dy figurave historike të luftës dhe paqes ne Kosovë, një tekst i shkruar që edhe sikur të mos ketë asnjë zhvillim të mëtejshëm juridik, për ne që e kemi jetuar në rininë tonë atë kohë, i ngjan një fletërrufeje të revolucionit kulturor kinez, ky fryma diskredituese e fjalëve asgjëson vetë prezumimin e pafajësisë.

Dhe pikërisht kjo e kthen atë tekst në një rrufe që godet shumë më përtej emrave të përveçëm duke shpërndarë në krejt botën sot të zvogëluar një njoftim ku nuk është se hidhet një baltë marramendëse thjesht mbi Thacin apo Veselin, as mbi UCK-në vetë, por mbi vetë Kosovën dhe krejt shqiptarinë."

Të fundit