Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bonuse për pensionistët derisa... të marrim votat

Politiko 18 Nëntor 2024, 10:50

Bonuse për pensionistët derisa... të marrim votat

Indeksimi i pensioneve me 4.1% ngjalli reagim jo vetëm nga shtresa që prekej, por edhe nga ekspertë e politikanë të cilët rritjen e panë absurde, për një shtresë që qeveria kujtohet vetëm gjatë fushatave elektorale.

Me 7 mijë lekë rritje maksimale për pensionet, vetë të moshuarit u ngritën në protestë për disa ditë me radhë duke kërkuar që qeveria të kthejë sytë nga ta dhe t’u japë hakun e merituar për 40 e ca vite punë.

Mirëpo, fill pas debateve që nisën me indeksimin e pensioneve, që minimalisht një të moshuari nuk i del as për ilaçe e jo më për ushqime, qeveria hodhi në lojë kartën e bonusit të fundvitit.

Kryeministri foli nga Kuvendi me patos të madh duke e konsideruar këtë bonus si “përfshirjen e pensionistëve në rritjen ekonomike”. Rama deklaroi se për pensionet deri në 200 euro do të jepet 150 euro bonus, ndërsa për ato pensione mbi 200 euro do të jepet 100 euro bonus në fundvit.

“Në hyrje të kësaj fjale dua tu përcjell të gjithë pensionistëve të Shqipërisë lajmin e mirë se në ditët në vijim qeveria do të çlirojë një fond prej 100 mln euro për burnusin e fundvitit. Ky bonus do të ndahet në dy shkallë, të gjithë pensionistët që kanë një pension deri në 20 mijë lekë, 200 euro do të marrin trefishin e bonusit të deri djeshëm përmes një bonusi të ri prej 150 euro. Ndërsa pensionistët që kanë një pension më të madh se 20 mijë lekë do të marrin dyfishin e bonusit të mëparshëm përmes një bonusi prej 100 euro”, u shpreh Rama.

Por, në vorbullën e premtimeve elektorale, Rama premtoi edhe një bonus të dytë që sipas tij do t’u jepet pensionistëve në çdo pranverë.

“Paralelisht me shpërndarjen të bonusit, në ditët para dhjetorit do të krijojmë pranë BSH fondin për një bonus të dytë, ky do të jetë bonusi i pranverës që do të ndikojë më tej në rritjen e të ardhurave të pensionistëve dhe do të jepet në hyrje të çdo pranvere”, u shpreh Rama.

Kryeministri e nisi më herët fushatën me pensionistët duke e shitur si një bashkëbisedim për “qarje hallesh” me ta. Por, në fakt Rama po e përdor bonusin për të fituar votat e pensionistëve.

Të fundit