Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

De Standaard: Cili është klani shqiptar i d*ogës që fshihet pas tentativës për vrasjen e prokurorit belg?

Politiko 19 Nëntor 2025, 12:38

De Standaard: Cili është klani shqiptar i d*ogës që fshihet

Julien Moinil, prokurori i Brukselit, ka qenë në mbrojtje të përhershme që nga muaji korrik, pas informacioneve për një tentativë vrasjeje ndaj tij. Hetimet e kryera nga policia federale kanë çuar në arrestimin e 8 personave, kryesisht në Bruksel dhe në Leuven.

“De Standaard” ka raportuar se sipas prokurorisë federale, të arrestuarit janë pjesë e klanit V., një familje shqiptare kontrabandistësh droge që ka vepruar prej vitesh në Belgjikë.

Kryefamiljari Arjan V. dhe pjesëtarët e tjerë të familjes ishin dënuar më parë nga gjykata belge për trafik të organizuar droge, përfshirë kontrabandimin e qindra kilogramëve kokainë nga Belgjika në Britaninë e Madhe dhe në vende të tjera të Evropës.

Prokurorët besojnë se disa udhëheqës të klanit kanë luajtur rol në organizimin e komplotit kundër Moinil, ndërsa disa prej tyre janë ende të burgosur.

Ky rast, siç thekson gazeta belge, risjell në vëmendje veprimtarinë e familjeve kriminale shqiptare në Evropë, të cilat kanë qenë objekt i hetimeve të mëparshme të drejtësisë belge.

Prokurorja federale Ann Fransen theksoi se ky incident vërteton nevojën për mbrojtje më të fortë për oficerët dhe magjistratët që luftojnë krimin e organizuar.

Moinil, i njohur për angazhimin e tij të paepur kundër krimit të organizuar, ka bërë nga dita e parë të detyrës një mision të luftimit të krimit të strukturuar në Bruksel.

 

Të fundit