Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Mos ndërhyni në drejtësi', ultimatumet e Parlamentit Evropian për Ramën – Balluku në qendër të presionit

Politiko 18 Shkurt 2026, 14:30

"Mos ndërhyni në drejtësi', ultimatumet e Parlamentit

David MCAllister, kreu i Komisionit të Jashtëm të Parlamentit Evropian, dha sinjale të qarta për qeverinë sa i përket procesit të integrimit, nismave të ndërmarra, reformës në drejtësi dhe çështjes “Balluku”.

Në një konferencë për mediat nga Tirana, MCAllister vlerësoi se Shqipëria nuk është kushtet ku duhet të vetëkënaqet nga rezultatet e procesit të integrimit, duke kërkuar përmbushjen e kritereve.

“Ne vazhdojmë të mbështesim Shqipërinë në rrugëtimin e integrimit. Njohim rezultat e forta. Por nuk ka vend për vetëkënaqje, duhet të punojë edhe më fort për përfundimin e negociatave. Dua të përmend se integrimi në BE është proces që vlerësohet në këtë rrugëtim në bazë të përmbushjes së kritereve të Kopenhages”, deklaroi zyrtari i PE nga Tirana.

Rezultatet në luftën ndaj korrupsionit, po ashtu, mbeten nën nivelin e duhur. MCAllister theksoi zbatimin e plotë të legjislacionit duke dhënë një mesazh të fortë për qeverinë: të qëndrojë larg drejtësisë.

“Ekziston nevoja për ta ruajtur forcën shtytëse në luftën kundër korrupsionit. Shumë është arritur por jo ende në nivelin e kënaqshëm. Në raportin e fundit të TIA Shqipëria renditet 11 vende më poshtë. Është e nevojshme të ketë një zbatim të plotë të legjislacionit, të mos ketë ndërhyrje politike në strukturat e drejtësisë dhe politikanët të udhëheqin duke dhënë ata vetë shembullin. Dëshirojmë të shohim një reformë reale zgjedhore, që të bëhet në kohë të mjaftueshme para zgjedhjeve, të përfshijë opozitën dhe të vërë në jetë rekomandimet e OSBE-ODIHR”, tha MCAllister.

Ndërkaq, zyrtari i PE kritikoi mazhorancën për mungesë dialogu me opozitën duke bërë thirrje për më shumë dialog politik.

“Ne e vlerësojmë që integrimi në BE është prioritet në Shqipëri, por jemi të shqetësuar sa i takon polarizimit politik. Duhet të ketë më shumë stabilitet dhe dialog politik në vend. Nga njëra anë, shumica duhet të ofrojë dhe të angazhojë në dialog opozitën dhe opozita duhet të përfshihet më shumë në këtë dialog“, u shpreh zyrtari i Parlamentit Evropian.

MCAllister kërkoi nga Shqipëria që të zbatojë një reformë zgjedhore gjithëpërfshirëse dhe në kohë, duke ndjekur plotësisht rekomandimet e OSBE/ODIHR-it. Ai shtoi se është e domosdoshme të promovohen liria e shprehjes dhe pluralizmi mediatik.

“Duam të shohim një reformë reale në fushën zgjedhore, e cila të bëhet në kohë të mjaftueshme para zgjedhjeve dhe të jetë gjithëpërfshirëse. Duhet të hyjnë në zbatim të plotë rekomandimet e OSBE/ODIHR-it. Së treti, dëshirojmë të shohim më shumë përpjekje për lirinë e shprehjes dhe pluralizmin mediatik. Kërkohet transparencë edhe nga drejtuesit e mediave, si dhe mbrojtje e gazetarëve nga politika dhe nga sulmet“, deklaroi MCAllister.

Sa i përket çështjes "Balluku", MCAllister tha i prerë se qeveria duhet të marrë përgjegjësinë politike për ta zgjidhur, duke e cilësuar një "test kritik për Shqipërinë në luftën ndaj korrupsionit".