Ndodhej pranë tij në protestë, Jola Hysaj në Politiko: Si e pashë sulmin ndaj Berishës

“Mesazhi është i qartë, për t'i mbyllur gojën opozitës”.

Kështu e përmbledh në një reagim për Politiko.al Jola Hysaj, sekretarja për Marrëdhëniet me Publikun në PD, sulmin fizik ndaj kreut të PD, Sali Berisha në protestën e opozitës një ditë më parë.

E pyetur se si e ka parë sulmin ndaj kryeopozitarit për shkak se ndodhej pranë tij në momentin e ngjarjes, Hysaj thotë se ishte tronditës, jo vetëm për zotin Berisha, por edhe për të gjithë opozitën.

"Sulmi ishte tronditëse jo vetëm per zotin  Berisha fizikisht por dhe per te gjithë  opozitën. Një arsye më shumë për të thënë me zë dhe më të lartë të vërtetat e këtij vendi. Opozita nuk zmbrapset, por është më e fortë se kurrë”, shprehet Hysaj në Politiko.

Sipas saj, sulmi ndaj Berishës është orkestruar me synimin për të shpërfytyruar opozitën në një kundër-reagim agresiv, për të gjeneruar dhunë në një protestë paqësore.

 “Ajo ç'ka ndodhi dje ndaj liderit te opozitës është një akt politik I shëmtuar dhe I pamoralshëm!

Vendi ka prekur monizmin e plotë!

Por opozita nuk do resh së thëni të vërteta dhe nuk do resht së bëri oponencë për vjedhjet masive të kësaj qeverie moniste!

Nga të gjithë faktet që disponojmë dhe të gjitha burimet që përcjellin informacion në Partinë Demokratike, të shpien në një emër: Edi Rama!

Sulmi ndaj Sali Berishës është orkestruar me synimin për të shpërfytyruar opozitën në një kundër-reagim agresiv, për të gjeneruar dhunë në një protestë paqësore.

Opozita shqiptare dhe Sali Berisha nuk i shkuan pas fillit këtij skenari, duke i hequr Ramës mundësinë për të bërë kurban opozitën në sy të ndërkombëtarëve.

Opozita nuk bie knock out. Protestat do të vazhdojnë”, shprehet Hysaj.