Posta e mëngjesit/ Me 2 rreshta: Çfarë pati rëndësi dje në Shqipëri

■ Qindra qytetarë protestuan dje në rrugët e Tiranës në shenjë revolte për vrasjen e 25-vjeçarit Klodian Rasha nga një punonjës i policisë. Protesta u shoqërua me shumë tensione dhe përplasje. 'Shëndetësia': 8 policë dhe 2 protestues të lënduar, njëri prej efektivëve rrezikon humbjen e syrit. Protestuesit dëmtuan pemën e Krishtlindjeve të Kryeministria dhe te sheshi ‘Skënderbej. Pas orës 22.00 sfiduan policinë, duke thyer orën policore. 

E lidhur: Tulla, pllaka të shkulura si asnjëherë më parë, çfarë mbeti pas protestës për vrasjen e të riut te kryeministria (Foto nga syri i Politiko)

■ Ambasada e SHBA thirrje qytetarëve amerikanë: Shmangin zonat ku ka tubime.

■ Familjarë dhe miq kanë përcjelle dje për në banesën e fundit 25-vjeçarin, Klodian Rasha. I ati i Klodianit, ka kërkuar drejtësi për vrasjen e 25-vjeçarit. "Shteti të të vrasë në derën e shtëpisë?! Prisja ta martoja, jo ta çoja në arkivol".  

■ "Vrasja e Klodian Rashës ishte e paralajmëruar", Luan Rama: Policia e drejtuar keq, për të fituar dashurinë e Kryeministrit, humbi qytetarin.

■ E vendosur përballë akuzave, Policia e Shtetit reagon pas vrasjes së 25-vjeçarit: Po analizojmë shkaqet që çuan në incidentin fatal.

■ "Hurmat nuk vrasin", të rinjtë e FRPD marshim-protestë: Duam drejtësi! Turp për Policinë e Shtetit! Lleshaj të dorëhiqet! Reagon Lleshaj: E vërteta, ngushëllimi më i madh.

■ Thanë se kishte armë me vete, flasin shokët e Klodian Rashës: I kishte fobi! S’kishte probleme, as hasmëri; kishte dalë për cigare.

■ Elez Biberaj lë drejtimin e VOA-s: Pati përpjekjet për të shkelur pavarësinë e gazetarëve të Zërit të Amerikës. 

■ Prokuroria e Tiranës ka nisur hetim për nxjerrje të sekretit hetimor të SPAK, në lidhje me vrasjet e zbardhura një ditë më parë të biznesmenit Vajdin Lamajt e Klodian Saliut.  Prokuroria e Tiranës thotë se e kishte ndaluar publikimin e vendimit dhe akteve hetimore për këto atentate.

■ Mbeten të larta shifrat me koronavirus në vendin tonë. Në 24 orët e fundit 15 persona kanë humbur jetën nga Covid-19. Ministria e Shëndetësisë raporton se nga 2620 testime kanë rezultuar pozitiv 752 raste të reja.

■ Pas dy ditësh në SHBA, vizitë që kishte synim sigurimin e vaksinës anti-covid ka reaguar kryeministri Edi Rama. Ky i fundit ka postuar një foto me bosin e Pfeizer, Albert Burla, ndërsa e përshkuan një takim pozitiv. Rama thekson se synimi i Shqipërisë është që të nisë vaksinimin në dy muajt e parë të 2021.

■ Mjeku neurolog Drini Dobi ka humbur betejën me koronavirusin. Ai u nda nga jeta në Itali, ku shkoi disa ditë më parë për të marrë kurim të specializuar. Por për fat të keq mjeku nuk ia ka dalë të fitojë betejën me sëmundjen vdekjeprurëse. Pas reagimit të gjerë në publik, qeveria mori përsipër shpenzimet e kurimit të mjekut Dobi.

■ Pasi u përjashtua si kandidat për postin e Përfaqësuesit të Lartë të OSBE-së për Lirinë e Medias, Ditmir Bushati ka marrë një tjetër post po në këtë organizatë. Ish-ministri i Jashtëm është caktuar nga Asambleja Parlamentare e OSBE-së si Përfaqësuesi për Kaukazin e Jugut.

■ Gjykata e Tiranës ka pranuar kërkesën e Federatës Shqiptare të Futbollit, duke pezulluar dy asamble e jashtëzakonshme të Komitetit Olimpik Kombëtar Shqiptar pasi janë thirrur në mënyrë të paligjshme. Gjykata i dha të drejtë gjetjeve të FSHF-së, duke nxjerrë në pah paligjshmërinë në thirrjen e dy asambleve të jashtëzakonshme.

■ "Shkëmbyem hasmit", zbardhet dëshmia e të penduarit të drejtësisë, Luftar Reçi: Lul Berisha më kërkoi të vras Klodian Saliun! Më porositi për bombë me telekomandë për ekzekutimin e Vajdin Lamajt, e mori Shullazi

■ Rindërtimi, PD denoncon skandalin: 5 nga 12 godina tek zona "5 maji" kthehen në zyra luksi për qeverinë dhe bashkinë

■ "Më mbajtën gjallë", me maskë oksigjeni këngëtarja Justina Aliaj tregon përvojën me Covid-in: Mos e provoni atë që kalova unë.