Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 4 Nëntor 2020, 08:08

Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al ju sjell një blic lajmesh nga vendi në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Autori i sulmit terrorist në Vjenë ku u vranë 4 persona, ishte një 20 vjeçar me origjinë shqiptare i lindur në Vjenë. Sipas gazetës "Der Falter", 20-vjeçari ishte i njohur për shërbimet sekrete austriake. Pas ngjarjes së rëndë ka folur gjyshi i tij. Ai tha se Kujtimi nuk ka pasur kontakt me familjen për 6 muaj. Më pas ai ka pyetur se çfarë ka ndodhur me nipin e tij dhe kur i'u tha se nuk jeton më, gjyshi tha se "çfarë të bëjmë, vetën e ka marrë në qafë”.

Të lidhura: Ironia e fatit në sulmin terrorist në Vjenë: Tre policë shqiptarë, vranë një terrorist shqiptar, i cili vrau një shqiptar të pafajshëm

· Agresori i identifikuar si Kujtim Fejzullahi, me origjinë nga Maqedonia e Veriut ka qenë futbollist në qytetin e Mödling në adoleshencë, por aty ka rënë në kontakt me ekstremistë islamikë apo simpatizantë të ISIS që e kanë futur në rrugën e radikalizimit. Gjatë sulmit, 20-vjeçari thuhet se ka ecur nëpër qytetin e Vjenës i armatosur me një AK-47 që e kishte marrë gjatë udhëtimit në Sllovaki, një pistoletë dhe një hanxhar.

· Midis forcave policore që janë përballur me terroristët ishte dhe një efektive shqiptare me origjinë nga Kosova. Këtë e ka bërë të ditur ambasadori i Kosovës në Gjermani, Beqë Cufaj, ka përmes një postimi në Twitter ai ka shkruar se midis policëve austriake ishte dhe mbesa e tij Doruntina Miroci.

· Sulmi terrorist në Francë dhe Austri, shtohet siguria në Shqipëri: Në ambientet publike do ketë agjentë të anti-terrorit.

■ Holanda bllokoi integrimin e Shqipërisë në BE? Rama: Është ende herët për të nxjerrë konkluzione. Ndërkaq, referuar kundërshtimit të mësimin online nga studentët, Rama tha se ky ishte një "vendim që duhej marrë sepse jemi në situatë lufte! Lekët e konviktit do t’u kthehen."

E lidhur: Deputeti holandez, Pieter Omtzigt thotë se Shqipëria nuk i përmbush parakushtet për Konferencën e Parë Ndërqeveritare. Qeveria hollandeze, ministri Blok, deklaroi qartë se Shqipëria nuk i përmbush parakushtet për Konferencën e Parë Ndërqeveritare. Kjo do të thotë se ai nuk do të japë pëlqimi", shkruan Omtzigt në Twitter. Hollanda ngre si shqetësim, mos funksionimin e institucioneve të drejtësisë, krimin dhe reformën Zgjedhore.

■ Mungesa e studentëve ka çuar në mbylljen e disa degëve në Universitetet e Gjirokastrës dhe Elbasanit, pasi për të disatin vit radhazi nuk janë mbushur kuotat. Në Universitetin “Eqerem Çabej” në Gjirokastër janë goditur nga nota e rritur mesatare dega e Mësuesisë, Teknologji Informacioni, Matematikë Fizikë dhe Gjuha italiane.

■ Gjyqtari i Gjykatës së Posaçme Kundër Korrupsionit dhe Krimit të Organizuar, Fran Prendi, ka dhënë dorëheqjen. Këshilli i Lartë Gjyqësor ka pranuar kërkesën, teksa nuk janë bërë me dije shkaqet për dorëheqjen e tij. Kujtojmë se gjyqtari Prendi kishte në dorë dosje me ‘peshë’ si një pjesë e dosjes 399 apo asaj të vrasjes së Azem Hajdarit.

■ "Gjimnazit “Sami Frashëri” i është tjetërsuar pronësia", Kryemadhi publikon dokumentet: Unë e mbaj fjalën! Rastin ta hetojë Prokuroria. Në kundërpërgjigje kryeministri Rama ka ironizuar Kryemadhin duke thënë se kjo është "Kap ca të kapësh, njëlloj si shërimin nga COVID duhet ta kërkojmë në Kisha"

■ "Buxheti i 2021, prioritet rindërtimin", Rama: Kemi parashikuar investimin e 28 miliardë lekëve për ngritjen e zonave të prekura nga tërmeti. 13 kantiere banesash individuale dhe 6 zonash të reja të hapura përfundojnë punën në 2-3 muajt e ardhshëm!

■ "Shëndetësia në kolaps! Numri i testimeve, më i ulëti në rajon", Rama u përgjigjet akuzave të PD: Shifrat e bëra publike, vetëm për tamponët e kryer në shtet.