Posta e mëngjesit/ Me 2 rreshta: Çfarë pati rëndësi dje në Shqipëri

■ Kreu i Partisë Demokratike, Lulzim Basha shprehet se ndërtimi i këtyre 3 inceneratorëve është krijuar me qëllim djegien jo vetëm të plehrave të Shqipërisë, por edhe të vendeve fqinje si Italia dhe Greqia. Ndërsa ngre pyetjen "kush është 'peshku i madh' pas inceneratorëve", Basha ka folur me emra rreth personave të përfshirë në këtë aferë.

Të lidhura: “PPP dhe koncensionet korruptive do t’i nënshtrohen Ligjit Antimafia”, Basha: Verifikim i personave publik apo privat që kanë abuzuar me detyrën.

PD publikon shifrat: Rama, pronari i 3 inceneratorëve që u mori 75 mln euro taksa të shqiptarëve

PD kallëzim penal në SPAK për "grup të strukturuar kriminal" ndaj Ramës, Ahmetajt, Veliajt, Lefter Kokës dhe Klodian Zotos e Mirel Mërtirit: T'u pezullohet ushtrimi i detyrës publike! Basha: Padia e sotme për të nxitur Prokurorët!

■  Dendias vizitë "vendimtare" në Shqipëri, mediat greke: Në tryezë “kufiri detar”! I hapet rruga zgjerimit të ujërave territoriale sikurse Athina dëshiron.

Të lidhura: Axhenda e Dendias në Tiranë, ministri i Jashtëm grek takohet sot me ministrin e jashtëm në detyrë, Gent Cakaj, kryeministrin Edi Rama, Presidentin Ilir Meta, takim me kreun e Partisë Demokratike Lulzim Basha, si dhe me kryetarin e PPDNJ Vangjel Dule. E mbyll takim me Kryepeshkopin Anastas Janullatos.  

PDIU thirrje për protestë: Nuk ka fokus çështjet që shqetësojnë shqiptarët, çon përpara axhendën greke

■  Presidenti Meta i ka kërkuar qeverisë dhe Kuvendit të rishikojnë Aktin Normativ për mbajtjen e maskave. Sipas Metës: OSHEE s’mund të vjelë gjobat dhe se vendimi e shndërron entin energjtik në instrument policor dhe elektoral. Po ashtu, Presidenti ka dalë kundër Kryemadhit në vendimin për mbajtjen e maskave me detyrim, teksa u bëri "thirrje qytetarëve që kanë mundësi të mbajnë maskën, ta mbajnë!". 

■ Grupi parlamentar socialist projekt-rezolutë kundër Anti-Semitizmit: Instrument edukimi, për të mos u përsëritur historia e frikshme e nazizmit.

 ■ Ngriti ’supet' kur iu deshën pas tërmetit, Policia e Shtetit nxjerr në ankand tre qentë e stërvitur; Njoftimi është bërë i ditur në Fletoren Zyrtare, ku jepen edhe kriteret e këtij procesi, konkretisht për qentë e quajtur Lisi, Uga dhe Asta.

■  Kryeministri Edi Rama intervistë për median polake: Një bllokim i dytë do të na vrasë, shkatërrues për familjet tona.

■ Pneumologu Adrian Jorgji : Kam parë pacientë të infektuar me covid-19 në lokalet e Tiranës. 

■  Ambasadorja e SHBA në Shqipëri, Yuri Kim, ka sjellë në vëmendje se Presidenca dhe Parlamenti kanë publikuar listat për kandidatët e Gjykatën Kushtetuese. Nëpërmjet një postimi në Twitter, Kim ka bërë thirrje që pas publikimit të listave, i takon KED-it të veprojë shpejt dhe të gjykojë kandidatët, me qëllim që Gjykata Kushtetuese të jetë ngritur brenda këtij viti.

■ Gjatë konferencës së tij për mediat, kreu i Partisë Demokratike, Lulzim Basha, është pyetur nga një gazetare e televizionit Top Channel lidhur me prezencën ish-deputetit të PD Gerti Bogdani krah një të dënuari për korrupsion në Zimbabve. Para se të jepte përgjigjen e pyetjes, Basha i'u drejtua gazetares duke i thënë se shpreson që Top Channel ta publikojë te gjithë deklaratën e tij për shtyp dhe jo vetëm pjesë që i përdor për sulme personale ndaj tij.

■ Teksa ka komentuar zhvillimet politike, ambasadori i BE në Shqipëri, Luigi Soreca, është shprehur se ndjen keqardhje për mungesën e konsensusit lidhur me reformën zgjedhore. Nëpërmjet një deklarate për mediat, Soreca theksoi se ka mirëpritur vendimin e Presidentit dhe Parlamentit për nxjerrjen e dy vendeve vakant për Gjykatën Kushtetuese.

■ Gratë naftëtare ndodhen në ditën e 5-të të grevës së urisë, teksa sot ato i kanë bërë thirrje grave ministre, deputete dhe ambasadores Yuri Kim për ndihmë. Dy prej këtyre grave greviste kanë shfaqur probleme me tensionin e gjakut, teksa shprehen se nuk ka ardhur asnjë ndihmë spitali.