Posta e mëngjesit/ Me 2 rreshta: Çfarë pati rëndësi dje në Shqipëri

■ “Rama e ka humbur kontrollin mbi pandeminë”, kështu është shprehur kreu i Partisë Demokratike, Lulzim Basha një ditë pas shifrave rekord të kësaj të diele, duke shtuar se vala e dytë e pandemisë ishte e paralajmëruar. Në kundërpërgjigje Rama tha se "Basha është kapur pas COVID-it si i mbyturi pas fijes së barit”, deklaratë kjo e cila u konsiderua si sulm politik nga krydemokrati.

■ E lidhur: Rama ka vijuar më tej replikën me Bashën përsa i përket çështjes së pandemisë dhe inceneratorëve. "Jo më plehra në Tiranë", ka thënë kryeministri, duke shtuar se: "Opozita nuk kthehet më në qeveri me lojën jepi votën PD e merr Monikën&IlIrin në tallavanë e bashkimit.” Ndërkaq, në kundërpërgjigje, Basha e ka këshilluar 'të heq dorë nga vjedhjet, të shtojë testimet, rimbursojë ilaçet për pacientët në shtëpi, shtojë kapacitetet mjekësore!"

■ Komisioneri Shteteror i Zgjedhjeve, Ilirjan Celibashi ka ngritur grupin e punës prej 6 anëtarësh për t’iu mundësuar të drejtën e votës në zgjedhjet e 25 prillit shqiptarëve që jetojnë jashtë. Grupi i punës do të ketë disa detyra.

■ Grabitet gjatë natës banesa e ish-kreut të Tatimeve; autorët i marrin rreth 15 milionë lekë

■ Ministria e Arsimit vendosi rifillimin online të vitit të ri shkollor në universitete. Ky vendim i marrë 3 ditë para fillimit të shkollës është kundërshtuar ashpër nga studentët, të cilët dolën në protestë. Në mbështetje të tyre, Basha zhvilloi dje një takim me studentët, duke përforcuar qëndrimin e tyre për rikthim të mësimit në auditore.

E lidhur: "Proces fiktiv!" Basha i rikthehet debatit për zgjedhjet në universitete, premtim studentëve: Ne do t'i lëmë institucionet e arsimit të lartë të pavarura! Me ardhjen tonë në pushtet,do të mundësojmë stazhe të paguara për 10 mijë studentë.