Posta e mëngjesit/ Me 2 rreshta: Çfarë pati rëndësi dje në Shqipëri

Mirëmëngjes!

Politiko.al iu sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

 

■ Bilanci i Covid-19, rekord të infektuarish dhe të shëruarish; tetë viktima, mes tyre një 48-vjeçare nga Tirana; Pacientit me Covid-19 i shpërthen bombola e oksigjenit.

■ Ngjarja që tronditi opinionin, flet për herë të parë Blerta Josifi: Besuam deri në fund se Anisa do ringjallet, pikëpyetjet që më mundojnë.

■ Akuzat ndaj Bashës për hetimin ndaj UÇK, reagon sërish PD: Deklarata të fabrikuara nga Rama dhe Blushi, të fshehur pas incineratorëve.

■ Konferenca e parë statusore në rastin për ish-komandantët e UÇK-së, do të mbahet këtë të mërkurë. Më 18 nëntor, ora 11:00, para Dhomave të Specializuara në Hagë pritet të paraqiten Hashim Thaçi, Jakup Krasniqi, Kadri Veseli, Rexhep Selimi dhe avokatët e tyre mbrojtës.

■  Ministri i Brendshëm, Sandër Lleshaj, i përgjigjet opozitës rreth situatës me rendin publik dhe sigurinë. Sipas ministrit, kriminaliteti, aksidentet dhe trafikimi i narkotikëve këtë vit ka pësuar uljen më të madhe në 30 vitet e fundit. Ndërkaq, referuar akuzave për "Ilirian Guard', Lleshaj shprehet se ajo nuk është shoqëri private, por aksionere me kapital shtetëror.

■  EUROPOL operacion ndërkombëtar për sekuestrimin e armëve turke; bastisen dhjetëra shtëpi në Shqipëri, Greqi, Portugali e Rumani, 11 të arrestuar.

■ Deputeti Ralf Gjoni mbështet propozimin e Vetëvendosjes: Të bëhemi bashkë për kombin, të miratojmë rezolutën për gjenocidin serb. Në një reagim të mëvonshëm, themeluesi i LVV, Boiken Abazi, ka përshëndetur qëndrimin e Gjonit, duke kritikuar ashpër Ballën.

■  U infektua nga COVID-i, Andi Përmeti, në gjendje të rëndë shëndetësore; shtrohet në repartin e kujdesit intensiv në Turqi.

■  Kuvendi i Shqipërisë ka miratuar me 84 vota pro, 14 kundër dhe 1 abstenim buxhetin për vitin 2021. Kryeministri Rama ka theksuar se rritja e buxhetit të shëndetësisë me 23.3 %, është më e larta në këto 30 vjet.

Të lidhura: "Paguam kaparin për të marrë vaksinën anti-COVID", Rama zbardh vendimin e qeverisë: Do dyfishojmë ndihmën ekonomike për periudhën e pandemisë!

■ Vincenzo Del Monaco do të jetë ambasadori i ri i OSBE-së në Tiranë. Del Monaco ka punuar 23 vite në shërbimin diplomatik duke qenë ambasador i Italisë në Armeni dhe Mal të Zi.  

■ Ish-deputeti i Partisë Socialiste, Dashamir Peza hodhi dritë në lidhje me ngjarjen e masakrës së Krushës së Madhe, ku sipas kryeministri Rama kasetën me filmime të kameramanit Milaim Bellanica, e ka pasur Lulzim Basha në kohën kur punonte për UNMIK-un në Kosovë. Peza tha se beson që kjo kasetë mund të jetë dorëzuar nga ekipi i BBC-së, pranë OKB-së.