Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 29 Mars 2021, 09:40
Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Pas javësh rënie të ndjekur nga një rrafsh i qëndrueshëm, rastet e koronavirusit po rriten përsëri në ShBA.

■ Në Europë, pasojat psikologjike të pandemisë mund të shpalosen për muaj, apo edhe vite, thonë zyrtarët e shëndetit publik.

■ Brazili po raporton më shumë raste të reja të koronavirusit dhe vdekje në ditë se çdo vend tjetër në botë. Virusi ka vrarë më shumë se 300,000 njerëz në vend, një krizë e nxitur nga një variant shumë ngjitës, lufta politike dhe mosbesimi ndaj shkencës.

■ Në Mozambik, kryengritësit morën kontrollin e qytetit Palma të shtunën, pas një rrethimi tri-ditor që ka lënë të paktën disa njerëz të vdekur dhe qindra civilë të tjerë të pagjetur. Gati 200 njerëz, përfshirë dhjetëra punëtorë të huaj, kërkuan strehim brenda një hoteli.

■ Demokratët kanë kaluar vitet e fundit duke bërtitur për të rritur taksat për korporatat dhe të pasurit. Tani, nën Presidentin Biden, ata kanë mundësi për të rritjen më të madhe të taksave federale që nga viti 1942.

■ Bjellorusia është dëbuar nga Konkursi i Këngës Eurovision pasi këngët e saj vazhdimisht shkelën rregullat që ndalonin përmbajtjet politike në përgjigje të trazirave të vendit.

■ Ndërsa qeveria në Serbi mirëpret investitorët kinezë për të shpëtuar bizneset e dobëta dhe për të sjellë kapital shumë të nevojshëm, shumë serbë po ankohen për ndikimin mjedisor dhe politik.

■ Rusia po eksporton vaksinën e saj të koronavirusit Sputnik V në vendet e Amerikës Latine, Afrikës dhe Europës me bujë të madhe, duke e deklaruar atë "një vaksinë për të gjithë njerëzimin". Por në të njëjtën kohë, në heshtje duhet të importojë për popullatën e vet.

■ Në ditën më të përgjakshme të protestave që nga grusht-shteti ushtarak i 1 shkurtit, të paktën 90 njerëz u vranë nga forcat e sigurimit të Mianmar të shtunën, sipas një grupi të të drejtave me bazë në Mianmar dhe Tajlandë. Myanmar Now, një faqe e respektuar e lajmeve, raportoi se 114 njerëz ishin vrarë.

Të fundit