Duel historik dhe statistikash: Shqipëria sfidon ‘makthin’ polak në Varshavë

Në Varshavë, luhet sot Poloni-Shqipëri një përballje historike, një duel kombëtaresh të dyja në kërkim të fitores.

Dy kombëtaret janë përballur 10 herë në ndeshje zyrtare, në një rrugëtim që nis që në vitet ’70 dhe vijon deri në ditët tona. Në këtë histori të gjatë, një moment mbetet i paharruar për kuqezinjtë: fitorja 2-0 në vitin 1984, e vetmja herë kur Shqipëria ka mundur Poloninë në një ndeshje zyrtare.

Që prej asaj dite, përballjet kanë qenë kryesisht të vështira, me Poloninë që ka ditur të imponojë ritmin dhe cilësinë e saj, sidomos në dekadat e fundit.

Megjithatë, historia nuk luhet në letër. Shqipëria zbret sot në fushë me synimin për të sfiduar traditën dhe për të konfirmuar se diferencat mund të përmbysen.

Sepse ndonjëherë, pikërisht përballjet më të vështira janë ato që shkruajnë historinë më të bukur.

Përballjet e dy kombëtareve:

1971 – Shqipëria vs Polonia 1-1

1971 – Polonia vs Shqipëria 3-0

1984 – Shqipëria vs Polonia 2-0

1985 – Polonia vs Shqipëria 1-0

1993 – Shqipëria vs Polonia 1-4

1993 – Polonia vs Shqipëria 1-0

2021 – Polonia vs Shqipëria 4-1

2021 – Shqipëria vs Polonia 0-1

2023 – Polonia vs Shqipëria 1-0

2023 – Shqipëria vs Polonia 2-0 (Tiranë)