Flash News

Arsimi profesional, 18% e të diplomuarve as në punë as në shkollë

VIDEO-skandali në Sarandë/ Drejtori i AMP Vlorë dhe zyrtarët ngacmojnë se*sualisht turistet

“The New York Times” për koncertin e Ye: Si justifikon Rama 4.5 milionë dollarët e financimit

Identifikohet autori i dyshuar i vrasjes në Laç, qëlloi 7 herë pranë pallatit 40-vjeçarin

7 plumba në prag të shtëpisë, kush është 40-vjeçari me 4 mbiemra që u vra në Laç

KRYESORE

“The New York Times” për koncertin e Ye: Si justifikon Rama 4.5 milionë dollarët e financimit

Politiko 10 July 2026, 10:13

“The New York Times” për koncertin e Ye: Si justifikon Rama 4.5

Kryeministri Edi Rama po përballet me kritika të forta për vendimin e qeverisë për të financuar koncertin e reperit amerikan Ye ose Kanye West, në një kohë kur Rama po përballet me një valë protestash prej më shumë se një muaji.

Në një artikull të publikuar nga “The New York Times”, theksohet se Rama ka mbrojtur shpenzimin prej rreth 4.5 milionë dollarësh për koncertin, duke e argumentuar si një mundësi për të promovuar Shqipërinë si destinacion turistik.

Megjithatë, vendimi ka shkaktuar reagime, pasi artisti Ye është përfshirë më herët në polemika ndërkombëtare për deklarata antisemitike dhe qëndrime të diskutueshme. Koncerti, sipas Ramës, pritet të sjellë përfitime ekonomike dhe të gjenerojë të ardhura për bizneset dhe institucionet publike.

Kryeministri ka deklaruar se organizimi i eventit ishte i nevojshëm për të mos dëmtuar imazhin e Shqipërisë përballë mijëra vizitorëve që kishin blerë bileta nga dhjetëra vende të botës.

Por kritikat ndaj qeverisë shqiptare nuk lidhen vetëm me koncertin. Artikulli i “The New York Times” e vendos këtë debat në një klimë më të gjerë pakënaqësie ndaj projekteve të zhvillimit turistik të mbështetura nga qeveria, përfshirë projektin e një resorti luksoz në bregdetin shqiptar me lidhje me familjen Trump.

Sipas gazetës amerikane, plani për resortin ka nxitur protesta në Tiranë, të nisura nga protestuesit si “Revolucioni i Flamingove”, për shkak të shqetësimeve se zhvillimet mund të prekin një zonë të ndjeshme mjedisore, habitat për flamingot dhe specie të tjera shpendësh.

Rama ka mbrojtur të dyja projektet duke i paraqitur si pjesë të strategjisë për zhvillimin e turizmit dhe rritjen e ekonomisë, ndërsa kundërshtarët e tij i akuzojnë për mungesë transparence dhe për prioritizim të projekteve të mëdha në dëm të interesit publik dhe mjedisit.

Të fundit