Kryetari i FRPD-së, Belind Këlliçi ka përdorur fotografitë për të vënë në pah diferencat mes liderit të opozitës Lulzim Basha dhe kryeministrit Edi Rama.
Ai shkruan se ndërsa Basha lobon për negociatat, Rama shkon në ekspozita dhe darka me sheikë
“Ndërkohë që kryetari i PD Lulzim Basha po lobon për hapjen e negociatave të Shqipërisë me BE, po kërkon ndihmën e qeverive kryesore të BE dhe zyrtarëve të lartë të BE për ta ndihmuar Shqipërinë në tejkalimin e krizës politike, garantimin e zgjedhjeve te lira e te ndershme, shkeputjen e lidhjeve te politikes me krimin, ngritjen sa me pare te institucioneve te drejtësisë, drejtësisë se vërtetë qe nuk mbron, por ndëshkon zyrtaret e korruptuar, te lidhur me krimin që blejnë vota, Edi Rama vazhdon turin e tij prej sheiku, duke shitur piktura e hapur ekspozita.”, shkroi ai në Facebook.
Kreu i FRPD-së mendon se për fajin e Edi Ramës, Shqipëria ka bërë regres në rrugën drejt BE-së, duke shtuar kushtet vit pas viti.
“Shqiptarët po shpërngulen dhe shpopullojnë vendin duke shkuar rrugëve të botës si azilkërkues, ndërkohë qe ai i sfidon duke pozuar në Riad, me Princin e Kurorës dhe me librin e tij të pikturave në duar. Në fakt Edi Rama e ka një hall prandaj ka shkuar në Riad për të shitur pikturat e tij, sepse në këtë mënyrë pretendon se do te justifikojë pasurinë në ditën e gjykimit të madh!”
Discussion about this post