Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A i ktheu Blushi Tahirit ‘borxhin’ e mbështetjes kur e larguan nga PS?

Politiko 18 Tetor 2017, 14:01
A i ktheu Blushi Tahirit ‘borxhin’ e mbështetjes kur e larguan

Politiko.al raportoi sot për refuzimin që Ben Blushi i ka bërë ftesës së kryetarit të PD-së, Lulzim Basha, për t’u bashkuar në frontin opozitar kundër lidhjeve të krimit me politikën. Burime brenda LIBRA-s i thanë portalit tonë se shkak për refuzimin ishte bërë pjesëmarrja në tryezë e ish-deputetit tjetër të PS, Koço Kokëdhima, person me të cilin Blushi ka patur gjithnjë konflikte.

Por a janë hatërmbetjet me Kokëdhimën më të mëdhaja se miqësia që Blushi ka me Saimir Tahirin?

Një prej kërkesave të frontit opozitar, i udhëhequr nga PD-LSI, ishte hetimi ndaj ish-ministrit të Brendshëm, Saimir Tahiri, deklaratë të cilën Blushi do e kishte të vështirë ta firmoste në rast pjesëmarrje, pasi nuk do i përgjigjej mbështetjes miqësore që kolegu i dha kur ai ishte shënjestra e sulmeve brenda llojit të tij.

Dy politikanët kanë bashkëpunuar ngushtë brenda Partisë Socialiste dhe Tahiri ka qenë një prej ministrave të sulmuar më pak me emër dhe mbiemër nga Blushi, kur ky i fundit ishte ende deputet i PS.

Në 2012-ën, Tahiri i dha mbështetje Blushit për nevojën e reformës në PS, ndërsa në 2015-ën Blushi i dha mbështetje Tahirit pas sulmit me tritol në farmacinë e babait, ndonëse krisja me partinë kishte nisur.

Në maj të 2016-ës kur Blushi u kërcënua me mesazhe nga ish-kryebashkiaku i Kavajës, Elvis Rroshi, Tahiri i kërkoi që ta denonconte, ndërsa e garantoi për mbështetje.

Por momenti më interesant dhe që konfirmoi miqësinë e fortë mes Blushit dhe Tahirit, ishte publikimi i fotos nga dreka e përbashkët e dy politikanëve, pak javë pasi kreu i LIBRA-s ishte larguar nga PS.

Në seancën e 2 qershorit të vitit 2016-të, në Kuvend, Tahiri replikoi ashpër me Blushin pasi ky i fundit tha se u largua nga grupi i PS për shkak të mbrojtjes që i jepnin bandave. Një muaj më pas, më 14 korrik të 2016-ës, Tahiri dhe Blushi u fotografuan së bashku në një prej restoranteve të Tiranës.

Edhe pas shkarkimit të Saimir Tahirit si ministër i Brendshëm, Blushi i doli në krah mikut të tij duke deklaruar se ky vendim ishte kusht i Ilir Metës për Edi Ramën.

Të fundit