Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ku ndryshojnë hijabi, burka dhe niqabi? Pse vishen?

Politiko 29 Mars 2017, 10:14

Ku ndryshojnë hijabi, burka dhe niqabi? Pse vishen?

Mos u shqetëso. E kontrolluam në Google

Islamofobia ka arritur rekorde të reja. Në Amerikë krimet e urrejtjes kundra myslimanëve u rritën në 78% në vitin 2015. Pas zgjedhjeve presidenciale të 2016, Qendra Ligjore për Varfërinë Jugore (Southern Poverty Law Center) raportoi për një tjetër rritje në sulme.

Shumë prej islamofobëve targetojnë gratë, kokat e mbuluara të të cilave i bëjnë ato një shenjë shumë të lehtë. Në Londër, dy adoleshentë u munduan t’i hiqnin me forcë një gruaje hijabin nga koka, duke e marrë zvarrë përtokë në përpjekje e sipër. Një burrë sulmoi një studente myslimane pas një garazhi parkimi në Universiteti San Jose, duke i tërhequr hijabin dhe e kapur për fyti. Shumë prej grave myslimane tani thonë se kanë frikë ta veshin hijabin në publik. Për të bërë kujdes me sigurinë e tyre, disa prej tyre kanë zgjedhur që të mos e veshin fare.

Edukimi është mbrojtja më e mirë kundra injorancës të mbushur me urrejtje, kështu që le të shpjegojmë se çfarë janë hijabët, burkat dhe niqabët, dhe të shohim se si ato simbolizojnë modesti dhe besim.

Çfarë është hijabi?

Në arabisht, hijab do të thotë “perde”, por shumë myslimanë e interpretojnë thjeshtë si “shami koke.” Këto shami mbulojnë kokën dhe qafën e një gruaje, teksa lënë të lirë fytyrën. Ato vijnë në ngjyra dhe stile të ndryshme, dhe gratë myslimane që zgjedhin t’i veshin ato shpesh fillojnë rreth pubertetit, megjithëse nuk ka një moshë të caktuar.

Gratë i kanë mbuluar flokët e tyre që para lindjes së Islamit. Referenca e parë për mbulimin është nga një tekst ligjor arab i shkruar në shekullin e 13-të para Krishtit. Në atë kohë, mbulimi i kokës ishte simbol prestigji dhe statusi.

Çfarë është burka?

Burka është forma më mbuluese e shamisë së kokës: është një veshje njëshe që mbulon të gjithë fytyrën dhe trupin, duke lënë vetëm një dritare të vogël prej rrjete për sytë.

Burka është ndryshe—por shpesh ngatërrohet me—niqabin. Niqabi mbulon fytyrë, por e lë të hapur pjesën rreth syve. Ndonjëherë gratë e veshin niqabin me një vello sysh tjetër apo me një shami koke shoqëruese.

Teksa refugjatët myslimanë arratisen nga vendet e tyre të shkatërruara nga luftrat, ligjbërësit europianë—të shqetësuar se burkat mund të jenë një rrezik sigurie---kanë filluar të marrin masa kundra tyre. Në 2011, Franca u bë vendi i parë që i ndalonte njerëzit të mbulonin fytyrën në publik. (Ligji gjithashtu vlen për shallet, maskat, dhe helmetat e motoçikletave, por në përgjithësi njihet si “ndalimi i burkave.”) Belgjika adaptoi një politikë të ngjashme disa muaj më vonë, dhe Holanda dhe Gjermania po kërkojnë që t’i kufizojnë burkat në shkolla, ndërtesa qeveritare, spitale dhe transportin publik. Në janar, Austria votoi që ta ndalonte burkën në të gjitha vendet publike; qeveria gjithashtu po konsideron që të ndalojë nëpunësit publikë të veshin çfarëdo simboli fetar.

A veshin të gjitha gratë myslimane shami koke?

Kurani kurrë nuk i urdhëron drejtpërdrejt gratë që të veshin hijabe apo burka, por kërkon që si burrat dhe gratë “të mbulohen dhe të jenë modest.”

Për gratë myslimane, zgjedhja për të veshur vello apo për të mbuluar fytyrat e tyre është thellësisht personale. Besimi personal, kultura, familja dhe vendndodhja e një gruaje mund të ndikojë te zgjedhja e saj. Shumë gra myslimane e shohin këtë zgjedhje si një mjet vetë-shprehjeje. Të tjera e shohin edhe si një formë rebelimi: gratë myslimane që janë rritur në ambiente kosmopolitane dhe sekulare, për shembull, mund të kritikohen për zgjedhjen për të mbuluar flokët.

Të tjera gra myslimane e shohin hijabin si një dhunim të lirive të tyre personale.

Në një Op-Ed për Washington Post, ish-gazetaret Asra Q. Nomani dhe Hala Araf shkruajnë se ato “e refuzojnë këtë interpretimin se ‘hijabi’ ishte thjesht një simbol modestie dhe dinjiteti i adoptuar nga ndjekëset besnike të Islamit.” Ato shtojnë se gratë që janë pjesë e fesë myslimane persekutohen për zgjedhjen e tyre për të mos përdorur shami koke.

Shumë xhami, përfshi edhe ato në Shtetet e Bashkuara të Amerikës, i ndalojnë gratë të hyjnë apo të lutem nëse flokët e tyre nuk janë të mbuluara.

Pavarësisht nëse gratë myslimane zgjedhin apo jo të mbulojnë kokën, ato meritojnë të trajtohen me respekt, dinjitet dhe ndjeshmëri. Për sa kohë ekziston Amendamenti i Parë, këto gra kanë të drejtë të praktikojnë fenë e tyre ashtu si ta shohin të përshtatshme.

*Përgatiti: i.xh