Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Kujtesë për të gjithë Tahirët

Politiko 2 Mars 2019, 13:24

Raimonda Shundi

Në mars 2017 dhe ekzaktësisht më datën 11, ne konsumuesit e kronikave politike e me gjerë morëm lajmin se Saimir Tahiri u largua nga drejtimi i ministrisë më të sukseshme e më gjerë, atë të Punëve të përbrendshme. Punët tona të përbrendëshme kishin marë erë me kohë jashtë, por ne vijonim t’i lanin lëveret (teshat) në shtëpinë tonë, qetë, e me sukseset e radhës së kësaj ministrie që shihnim vazhdimisht në specialet televizive.

Madje njërit prej policëve mit që i shërbeu për 43 vjet po kësaj ministrie, Xhelilit, me daljen në pension, iu dhurua edhe motori nga vetë drejtuesi si simboli i devotshmërisë ndaj institucionit dhe punës me thyesit e ligjit, pavarësisht se ia kërkuan ta rikthente pak kohë më pas.

Si të gjithë njërëzit e thjeshtë e punëtorë, as Xhelili nuk e pikasi se e gjitha ishte spektakli i radhës dhe në fund pas “shoë-ut” rekuizita kthehet mbrapsht në magazinë. Por ajo që nuk kthehet dot pas është metamorfoza e kreut në gjithë këtë histori që ende vijon të marrë kohët tona televizive.

Çfarë bëhet vallë me 'dosjen Tahiri' që mbeti duke u shtyrë ? Në ekran përballemi me portretin e ish-djaloshit kryelartë e bukurosh, të cilit sfidat i kanë ndërruar edhe pamjen nga e një të riu në karrierë në atë të të maturuarit. Djaloshi i rritur na shfaqet teksa ngjit dhe zbret shkallët e drejtësisë cfilitshëm dhe me buzeqeshje të shtrënguar si për të thënë se “gjërat shkojnë shuumë mirë”.

Faktet na sjellin ende lajme të paqarta të përballjeve me drejtësinë, ndërkohë që mjekrën dhe flokët nis t’i bojatisë fisnikërisht lodhja e kapitja publike. A ia vlejti vallë gjithë ajo maskaradë e spektakël disa-vjeçar duke kaluar herë nga ana e ligjzbatuesit model, e herë në atë të ligjthyesit non-grata? A ja vlejti vallë përpëlitja me gënjeshtrën në emër të tymnajës diplomatiko-shefore?

Natyrisht kjo ka një përgjigje që nuk e pretendoj ta marr publikisht, por … guxoj të bëj një thirrje publike për të gjithë Tahirat që janë në këtë prag cfilitjeje. Si person i ndjeshëm dhe duke kuptuar situatat e egra që politika u ka faturuar, po përpiqem t’ua afroj më qartë betejën e riskut që po luajnë përmendësh.

Koha ikën, dhe kur je në luftë nuk sheh viktimat jo e jo.. por, nuk sheh as veten se ku ke mundur ta degdisësh. Sa më e lartë ngjitja, aq më e thartë zbritja, këshillon populli. Ndaj kujdes ku vini këmbën dhe drejtoni gishtin ju të pushtetshmit kryelartë, këtu poshtë koha është më e dielltë, besomëni!