Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kur do dalim nga izolimi? Basha: S`kam ndërmend t`ja fus kot

Politiko 16 Prill 2020, 19:42
Kur do dalim nga izolimi? Basha: S`kam ndërmend t`ja fus kot

Kryedemokrati Lulzim Basha, gjatë video-konferencës me gazetarët, foli edhe për mundësinë e daljes së vendit nga izolimi. Ai u shpreh se “nuk kam ndërmend t`ja fus kot”, duke mos dhënë një opinion se kur vendi mund të rikthehet në normalitet. “Kush flet për momentin se kur duhet të dalë Shqipëria nga izolimi, duhet të na tregojë autoritetin, ose ja fut kot. Unë nuk kam ndërmend t’ja fus kot. S’mund ta themi sot se çfarë rrjedhje do ketë pandemia. Do e thoshim nëse do kishim mjaftueshëm testime”, tha Basha.

Ai shtoi më tej se anëtarë të maxhorancës kanë pranuar se numri i të infektuarve është më i madh, ndaj, sipas Bashës, duhet të rriten testimet. “Para 4 ditësh ka pasur anëtarë të maxhorancës që kanë pranuar se numri i të infektuarve është më i madh. Që do të thotë se numri i viktimave është më i madh dhe numri i mbartëseve në kontakt me qytetarët është i madh. Ndaj mbartësit duhet të izolohen. Nëse një person infekton dy të tjerë, pandemia do të zgjerohet. Ndaj duhet të rrisim numrin e testimeve.

Shqipërisë i duhet një strategji e re për të dalë nga kjo situatë. Nuk mund të dalësh nga një zjarr i madh me sy të lidhur dhe ku nuk i di se ku i ke vatrat. Nga ana tjetër s’mund ti thuash qytetarëve që të qëndrojnë pa fund në shtëpi. Ndaj duhet të rritet numri i testimeve. Të flasim për hapa konkrete kur nuk kemi një strategji, është spekulative. Ky është problemi kryesor. Ndaj nëse s’ke strategji, po improvizon.

Po është i pakuptueshëm dhe i pafalshëm në javën e 5 apo të 6 të emergjencës. Kjo tregon se nuk ke plan e strategji, dhe pastaj këpusim kodra pas bregut. Kam vënë në dispozicion të institucioneve edhe zyrtarisht pikëpamjen tonë për të dalë nga kjo situatë. Pres, por jo shumë gjatë, që të nisë një strategji e re, për gjurmimin e burimeve dhe paraqitje të qartë të situatës. Më e rëndësishme, tranzicioni, nga karantina, tek rihapja e ekonomisë. Ndaj duhet një plan. Asgjë se zëvendëson planin, as duke folur në hava, si shkohet apo nuk shkohet në plazh.”, theksoi ai.

Të fundit