Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Kur Edi Ramës nuk ia mban të vijë në Shkodër”

Politiko 3 Mars 2019, 09:00

Kryeministri Edi Rama anuloi dje vizitën e tij në kryeqendrën e veriut, në Shkodër, ku do të mbahej dhe Asambleja e madhe.

Ishte Partia Demokratike e këtij qarku që deklaroi protestë dhe se nuk do e lejonin kreun e qeverisë të futej në qytet, ndërsa disa orë përpara takimit u komunikua edhe anulimi i vizitës .

Ish-deputeti i PD, Bardh Spahia tregon në një reagim në rrjetet sociale pse Rama nuk erdhi vetë në Shkodër dhe dërgoi përfaqësuesit e tij.

Reagimi:

KUR EDI RAMES NUK IA MBAN TE VIJE VETE NE SHKODER

I tmerruar nga qytetarët në shesh, që iu mblodhën edhe brenda pak orësh, në protestë kundër tij, Edi Rama coi sot sejmenët e vet në Shkodër, për të treguar një përrallë që as vetë nuk e besojnë: se opozita i paguaka njerëzit në protestë, u jepka raki, a “ndonjë gjë tjetër“, nga ajo që pi vetë kryeministri. Dërgon sejmenë, se vetë nuk ia mban të vijë në Shkodër. Të vështirë boll po e ka, edhe në qytete të tjera, sic i ndodhi sot në Durrës ku i dështoi takimi. Edi Rama tashmë është në panik e nuk ka faj, sepse e ka lexuar drejt situatën. Njëlloj si të martën kur thirri parlamentin me urgjencë, e i dërgoi deputetët si dele, ndërsa vetë bënte gallatë nga Lushnja. I la vetëm të përballeshin me një protestë, që ishte kundër Edi Ramës, njëlloj sic i ka lënë sa herë ka pasur hall, edhe në grevën e urisë në bulevard.

Për t’i nxjerrë frikën vetes, se përse shqiptarët përgjigjen aq masivisht e aq shpejt kundër Edi Ramës, nxjerr sejmenët-dele për t’u treguar përralla qytetarëve, si sot në Shkodër. Secili prej deputetëve të Shkodrës, e di mirë se shefi i tyre nuk arrin t’u shpjegojë ndërkombëtarëve se pse kësaj opozite, që paska frikë nga drejtësia e do të pengojë integrimin, i përgjigjen aq shumë qytetarë e në kohë rekord. E dinë mirë se përgjigja gjendet tek numrat e thirrjet e atyre qytetarëve për largimin e Edi Ramës, që u vjedh pasuritë publike cdo ditë, u rrit taksat, u ka kapur drejtësinë, e cila vepron vetëm ndaj tyre, por jo ndaj kryeministrit e të besuarve të vet, e i detyron të ikin nga vendi, pasi u ka vjedhur votën me njerëz të inkriminuar. E dinë shumë mirë se këto nuk i thotë PD! I thotë e para prokuroria, të cilës shefi i tyre i ka lidhur duart. Dosja 339 dhe ajo e Unazës së re, janë më të freskëtat që po mbahen peng, por nuk do mundet pafundësisht. Këtë e kuptojnë mirë qytetarët, edhe të majtët, se i hasin njëlloj. Të heshtësh për hir të partisë, kur sheh se si kryeministri abuzon me shtetin për përfitime të ngushta pushteti, është një cështje karakteri, e Edi Rama na ka treguar se i ka në rresht sejmenët-dele! Por që deputetët e Shkodrës të vihen në rresht, e të dalin të mbrojnë publikisht abuzimin e varfërimin, duke sulmuar qytetarët pse ngrihen në protestë, kjo i bën qartësisht bashkëpunëtorë, me ndërgjegje madje!

I ftoj deputetët socialistë të Shkodrës të qëndrojnë me protestuesit herën tjetër, që t’i shohin nga afër se si janë. Do gjeni aty edhe ish votues të tyre, se i bashkon i njëjti hall, që nuk blihet as shitet si votat tuaja! Ai hall që u ka bllokuar të tashmen e të ardhmen, quhet Edi Rama! Bashkimin qytetar të shkodranëve e gjithë shqiptarëve për ta larguar, nuk e ndaloni dot me përralla, e as me trashje qesharake zëri, si të ministrit Lleshaj. Pushteti është i qytetarëve, e Edi Rama po e përdor për të mbrojtur karriken e vet. Qytetarëve u kemi kthyer mandatet, e mos na e qani hic hallin, se zgjodhëm të jemi në anën e duhur, atë të qytetarëve, që aq shumë ju kanë tmerruar në protesta! Shihemi në shesh pra, ditën e seancës plenare! Ne me qytetarët, po ju?