Kurti i dërgon letër Mustafës: Nuk mundemi të deligjitimojmë institucionet demokratike

Lëvizja Vetëvendosje i dërgoi një letër kreut të LDK-së, Isa Mustafa, pasi ky kërkoi që të ndryshohet kreu i parlamentit të Kosovës.

Kurti kërkoi nga kreu i Lidhjes Demokratike të Kosovës që të vazhdojnë bisedimet për koalicionin dhe i kujtoi se LVV-ja bujarisht iu ofroi më shumë se gjysmën e qeverisë, sipas ofertës së fundit ku ndarja bëhet 6+5.

Aty vihet në dukej fakti që palët janë pajtuar edhe për presidentin, edhe pse sipas Kurtit kjo çështje nuk është fare urgjente, e që për të nuk është garuar në zgjedhje.

“Nuk mundemi tash t’i delegjitimojmë institucionet demokratike me ujdi monarkësh. Zgjedhja e Konjufcës ishte legale dhe legjitime”, shkruhet në letër.