Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush është 24 vjeçari i dyshuar kryesor për vrasjen e Artan Cukut?

Politiko 11 Qershor 2017, 10:31
Kush është 24 vjeçari i dyshuar kryesor për vrasjen e

Afro 2 muaj nga vrasja e Artan Cukut, policia ka vënë në pranga një të dyshuar si personi që e ekzekutoi atë në derën e shtëpisë.

Mikel Sh. 24 –vjeç u kap në Tiranë, në orët e para të mëngjesit.U ndalua në makinën e tij ku gjendej nën shoqërinë e një vajze dhe një mikut të tij, pranë “Pallatit me Shigjeta” në afërsi të rrugës së Kavajës. Mikel Sh. nuk bëri rezistencë.

Agjentët e policisë kriminale i vunë prangat duke i komunikuar se po shoqërohej për një ngjarje të ndodhur disa javë më parë. Bashkë me të u shoqëruan edhe miqtë me të cilët ishte në makinë.

Në polici iu tha se ishte i dyshuar për një vrasje, atë të ish –zyrtarit të lartë të Policisë së Shtetit, Artan Cukut.

Lapsi.al mësoi se udhëri për ndalimin ishte bërë nga prokuroria e krimeve të rënda që po heton ngjarjen.

Burime të policisë thanë se ADN e tij ka ngjashmëri me ADN –në e vrasësit, por ende nuk është provuar nëse përputhet tërësisht.

Gjurmë të ADN –së u u morën në një bluze të gjetur pranë vendit të ngjarjes, e cila dyshohet se mbahej nga vrasësi i Cukut dhe që u hodh prej tij në një kosh mbeturinash.

Bashkë me bluzën u gjetën edhe rroba të tjera që ngjajnë me ato që mbante vrasësi që ishte regjistruar nga disa kamera sigurie.

Analiza të mëtejshme po kryhen mbi provat dhe ADN –në e të dyshuarit.

Atij, gjurmë të ADN –së i janë marrë në mënyrë të fshehtë nga agjetët e antikrimit.

Pas shoqërimit në polici, gjurmët do të krahasohen në mënyrë zyrtare.24 –vjeçari është banues në Tiranë.Ai njihet si person problematik dhe ka disa precedentë penalë.

Është ndaluar për shpërndarje të lëndëve narkotike dhe për përdorim të tyre.

Nuk është e qartë cila është lidhja e tij me ish –drejtorin e policisë së Vlorës.

Por dyshohet se ai mund të jetë paguar për ta ekzekutuar.

Artan Cuku u qëllua para derës së ashensorit të pallatit të tij, në afërsi të rrugës së Kosovarëve.Katër plumba e kapën në kokë dhe në trup.Dyshohet se ai u përlesh me vrasësin. Në vendin e ngjarjes u gjetën gëzhoja të dy pistoletave të ndryshme.

Prokuroria dyshon se vrasësit kanë qenë dy. Por nuk përjashtohet mundësia që ekzekutori të ketë përdorur dy pistoleta.

Mikel Sh. po merret në pyetje. Deri tani, policia është treguar diskrete mbi të dhënat që ai po u jep prokurorëve.

 

Të fundit