Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kush janë dy delegatët e njohur shqiptarë që ‘pranuan’ pushtimin e Krimesë nga Rusia

Politiko 26 Prill 2018, 22:13

Shqipëria mbështet integritetin territorial të Ukrainës dhe prej vitesh aplikon sanksione kundër Rusisë për pushtimin e gadishullit të Krimesë. Megjithatë, Ambasada e Rusisë në Tiranë njofton për praninë e dy “delegatëve” shqiptarë në forumin ndërkombëtar “Rusia-Bota Islame”, i organizuar në Jaltë të Krimesë.

Shqipëria është përfaqësuar në këtë forum nga gazetari i ‘Vizion Plus’, Thimi Samarxhiu dhe nga historiani Olsi Jazexhi. Sipas ambasadës, dy përfaqësuesit shqiptarë “mundën të njiheshin vetë me situatën reale që po zhvillohet atje pas ribashkimit (pushtimit) të këtij rajoni me Federatën Ruse në vitin 2014.”

Bazuar në listën e publikuar nga Ambasada e Rusisë, Shqipëria ishte shteti i vetëm evropian i përfaqësuar në këtë forum.

Gjermania, Belgjika dhe Izraeli në garë për postin e rëndësishëm në OKB, Rama tregon se për kë do të shkojë vota e Shqipërisë

Njoftimi:

Më 23-24 prill në Jaltë të Rusisë, në gadishullin e Krimesë, u zhvillua Forumi i IV-të ndërkombëtar i gazëtarëve pjesëmarrës në Grupin e Vizionit Strategjik "Rusia – Bota Islame" (Group of Strategic Vision "Russia - Islamic world"). Shqipëria u përfaqësua në këtë event nga dy delegatë: gazetari i televizionit Vizion Plus Thimi Samarxhiu dhe publicisti, historiani dhe botuesi Olsi Yazeji. Përveç Shqipërisë, ishin ftuar edhe përfaqësues nga Egjipti, Bangladeshi, Iraku, Irani, Kazakistani, Kuvajti, Algjeria, Arabia Saudite, Sudani, Siria, Libani, Turqia, Uzbekistani, Indonezia, Emiratet e Bashkuara Arabe, Jordania dhe Maroku. Gjithsej mbi 60 gazetarë.

Edicioni i IV-të i Forumit u fokusua tek partneriteti i qytetërimeve, tek thellimi dhe forcimi i marrëdhënieve tradicionale miqësore ndërmjet Rusisë dhe komunitetit mysliman në botë. Pjesëmarrës të konferencës theksuan se tani që po shohim zhvillime shumë shqetësuese në rajonin e Lindjes së Mesme, si edhe në arenën ndërkombëtare në tërësi, është vetëm Rusia ajo që propozon një axhendë pozitive, duke bërë thirrje për partneritet dhe dialog të hapur si instrument kryesor për zgjidhjen e krizave.

Stafi i Ambasadës përgëzon gazetarët shqiptarë për kontributin e çmuar në realizimin e Forumit! Shpresojmë se u kënaqët në Krime, ku mund të njiheshit vetë me situatën reale që po zhvillohet atje pas ribashkimit të këtij rajoni me Federatën Ruse në vitin 2014.

Të fundit