Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

OP-ED

Kush po e shkatërron Policinë?

Politiko 6 Gusht 2019, 13:29

All - Paragraf - 1

Anila Hoxha

All - Paragraf - 3

Ideja dhe premtimi për të ngritur një njësi 'super-speciale' që do të arrestojë të fortët e rrugëve dhe lagjeve, më gëzoi tej mase. Mendova "hajt, për hajër!". Por, thashë me vete, po bëj nja dy kërkime. Fillimisht, në Google del ligji shqiptar për forcat speciale/RENEA dhe të Ndërhyrjes së Shpejtë, të cilat ekzistojnë, por që një pjesë e tyre janë katandisur prej vitesh nga një shfrytëzim i tillë, që nga ngritja e makinetave vite më parë e deri te ngritja në krah e çadrave të plazhit.

FNSH boll po shfytëzohet për ç'të mundet, sikurse edhe forcat e rendit që shikojnë nga qielli se mos ndonjëri ndërron pllakat e banjës pa leje apo vendos çadër pa leje; të shpresojmë se një dite me këto fushata policore për të cilat asnjë drejtues nuk reagon, do ta thërrasim policinë t'na hekurosë rrobat.

Rroftë Policia që duam!

Po le te merremi me repartin "RENEA" dhe kompetencat që ligji ia ka dhënë dhe që, jo më kot, konsiderohet si struktura më elitare për kapjen e të fortëve. Forcat speciale, që ekzistojnë prej vitesh, ligji na thotë se kryejnë këto detyra:

1. kryejnë operacione të shkallës së lartë të vështirësisë për arrestimin e individëve dhe grupeve kriminale;

2.kryejnë operacione për shoqërimin e personave shumë të rrezikshëm;

3. kryejnë operacione për shpëtimin e pengjeve; ...e të tjera.

Pa as me të voglin dyshim jam pro kapjes së të fortëve të çdo lloji, përsa kohe ata shkelin ligjin. Pra, jam pro edhe për super-specialët. Por, përse kjo strukture, kur Policia ka forca speciale dhe reparte elitare? Kemi agjentë krimesh, Drejtori të Hetimit të Krimeve të Rënda, grupe operacionale speciale, agjentë të infiltruar. A është kryer ndonjë studim i mirëfilltë që të analizojë shkaqet apo të lërë të nënkuptohet se këto reparte kanë dështuar? A ka një propozim të tillë, në letër, nga Drejtoria e Përgjithshme e Policise? Në varësi të cilit departament do jetë kjo njësi 'superspeciale'? Sa është numri i 'specialëve', çfarë aftësish ndryshe kanë nga "RENEA" dhe nga "FNSH", dhe çdo polic që bën pjesë në organizatën e Policisë?

Ajo që dihet, jo zyrtarisht, është se pak ditë më parë, gati 40 ish-ushtarakë u trajnuan dhe u certifikuan nga RENEA si të aftë për të arrestuar të fortët e lagjeve. Ata kanë kaluar tashmë në pritje të "urdhërit" në Policinë e Shtetit. Por, a nuk duhet që të kujtojme se vite më parë u morën ushtarë dhe u stërvitën për të qenë pjesë e RENEAS, por që 'u dështua me sukses'. Ku janë strategët e Policisë, pse heshtin? Pse nuk tregojnë që kjo formulë nuk eci. A nuk duhet të mbahet parasysh se qysh në përgatitjen fillestare të një ushtaraku dhe një polici ka disa ndryshime.

a- Komando përgatitet për të vrarë;

b- Polici përgatitet për të parandaluar.

c-Komando nuk është trupë që komunikon me qytetarin;

d-Polici ndërvepron me qytetarin.

e-Komando stërvitet me automatik;

f- Polici armë të tijën ka pistoletën.

Dhe shumë të tjera.

Suksese 'specialëve' të rinj! Uroj që ndonjërit prej tyre mos t'i ndodhe që të numërojë monedhat në bankë për të plotësuar këstin e kredisë, përpara se të niset në ndonjë operacion të rrezikshëm. Uroj që kur të mbushni moshën 55 vjeç mos të dalë ndonjë akt nënligjor se iu duhet të dilni në pension të parakohshëm, siç po propozohet për policët aktualë. Por, mbi të gjitha, ruani jeten!

EKSPERIMENTET do vazhdojnë që NGA dita e parë që vishni uniformën e policit. QOFSHIN PA DEME!!!