Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kusht i Gjermanisë për negociatat, ç’deklaronte Rama për shit-blerjen e votave pas përgjimeve të Bild dhe VOA-s

Politiko 25 Shtator 2019, 09:08

Kusht i Gjermanisë për negociatat, ç’deklaronte Rama

Dje, grupet parlamentare të koalicionit qeverisës CDU/CSU dhe SPD në Bundestagun gjerman votuan rezolutën, përmes së cilës shprehin qëndrimin pro hapjes së negociatave me Shqipërinë në mbledhjen e Këshillit Evropian tetorin e ardhshëm, por me 9 kushtet kryesore.

Të gjitha kushtet e përcaktuara, janë përfolur vazhdimisht në mediat shqiptare, sidomos ajo që ka të bërë me “Dënimin e personave të përfshirë në vjedhjen e votave”.

Kjo pikë ngjalli shumë debate edhe pas publikimit të përgjimeve nga gazeta gjermane ‘Bild’. Gazeta publikoi disa biseda telefonike për pazaret e votave, pjesë e dosjes 184, sa i takon zgjedhjeve vendore të vitit 2016 në qarkun e Dibrës.

Në këto përgjime sipas gazetës, kanë dalë mjaft zyrtarë të lartë si kryeministri Edi Rama, ish-ministri i Energjisë, Damian Gjiknuri, ish-deputeti Pjerin Ndreu, Artan Gaçi etj.

Por, si i ka cilësuar kryeministri Edi Rama përgjimet e Bild, kur është pyet nga gazetarët.

Sipas Ramës, çdo përgjim nuk përbën asnjë provë edhe sikur të jetë vetë personi që i thotë të gjitha ato që dëgjohen dhe që mund të jenë kriminale.

“Çdo përgjim nuk përbën asnjë provë edhe sikur të jetë vetë personi që i thotë të gjitha ato që dëgjohen dhe që mund të jenë kriminale. Nuk është prove. nuk e merr ta cosh dot në gjykatë tjetrin me kaseta. Duhet hetimi për ti provuar.

Për këto dy dosje, në Dibër u vendos në përgjim partia politike, si grup i strukturuar kriminal dhe nuk ka asgjë deri tani si përgjim të na thotë se ka një përfshirje, të gjithë atyre që janë bërë copë në media, fjalime. Nuk ka asgjë. Ju po ti kishit do i kishit nxjerrë dhe kjo është një çështje hetimore dhe nuk zgjidhet në rrugë me molotov.

Në Durrës. Kryetari i Bashkisë përmendet në një fjali mes dy kriminelëve. Dhe nuk ka asnjë bisedë që së largu të flitet për blerje apo shitje votash”, u shpreh Rama në një dalje për mediat në 12 maj.

Po ashtu, akuzat e shitblerjes së votave janë cilësuar nga kryeministri si denoncime pa prova, pavarësisht raporteve të DASH dhe publikimeve të përgjimeve nga VOA se në zgjedhjet parlamentare të 2017-ës ka patur shitblerje votash.

Nga këto përgjime, rezultoi se nga dosja 339 renditen fakte që provojnë lidhjet e kreut të bashkisë së Durrësit, Vangjush Dako me krimin e organizuar.

Gjatë fjalës së tij në parlament, Rama tentoi të sulmojë opozitën duke marrë si shembull parlamentin italian, ku sipas tij edhe pse një nga vendet me ekonomi të fuqishme, sot diskutohet ende për shitblerjen e votës.

“Në Kodin Penal shumë shpejt do merren masa të reja për integritetin e votës, shitblerjen e votës, do bëjmë propozimet tona dhe mund ta shtrëngojmë më shumë rrethin për ata të cilët janë ushtrues të këtij aktiviteti të paligjshëm në fushatë. Por nga ana tjetër, edhe parlamenti italian ka patur diskutim për shitblerjen e votës, ekonomia e pestë më e madhe e botës, ka në Itali deputetë të dënuar për bashkëpunim me mafian, edhe për votat, ama nuk ka një njeri që thotë se meqë forcat politike filan është gjykuar nga gjykata italiane se ka pranuar si dhuratë nga mafia një numër të caktuar votash, zgjedhjet në atë zonë janë të pavlefshme, është e pakonceptueshme, por këtu kemi të bëjmë me llafe e jo me prova, kjo i takon drejtësisë, detyra jonë është që t’i adresojmë me mjetet që disponojmë”, tha Rama.