Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lala tregon lidhjen e të shumëkërkuarit Rexhepi me vëllanë e Prengës, Hoxha: Më mori në telefon

Politiko 30 Janar 2020, 22:26

Dritan Rexhepi është një nga personat më të kërkuar të Interpolit, i cili dyshohet se ka urdhëruar pengmarrjen e shtetasit Jak Prenga. Ai ka edhe dy identitete të tjera, Gramoz Rexhepi dhe Lulzim Murataj. Që nga viti 2014, është duke vuajtur dënimin me burg në Ekuador, pasi u kap me një sasi prej 240 kg kokainë.

Ai akuzohet se ka vrarë dy punonjës të policisë në vitin 1999 në Fushë-Krujë. Kërkohej nga 4 shtete të ndryshme. Ajo më tej tregoi se si u lidh ai me vëllanë e 49-vjeçarit që mbeti viktimë.

“Është arratisur nga burgu i Italisë dhe Belgjikës. Dritan Rexhepi me grupin e vet siguronte sasi kokaine. Dyshohet se është Dritan Doçi një nga porositësit e kokainës. 3 grupe kriminale kishin bërë kërkesë për transportimin e sasisë së kokainës në Britani. Një nga krerët e grupeve kriminale ka kontaktuar vëllanë e Jak Prengës për të bërë transportin e drogës me kamion. Këta kur kanë shkuar atje kanë ndarë sasinë e kokainës siç kanë dashur vet dhe nuk e kanë dorëzuar”, tha Lala në “Opinion”.

Kurse gazetari investigativ Artan Hoxha deklaroi se në vitin 2017 kishte marrë një telefonatë nga i shumëkërkuari.

“Në vitin 2017 kur po bënim një emision për kanabisin iu thashë që kanabisi është gjë e vogël para trafikut të kokainës dhe grupet tona janë aq përpara sa kur ta marrim ne vesh do fillojmë të mbledhim kufomat. E kam thënë në darkë të premten në orën 10. Të nesërmen në orën 11 paradite kam qenë në Vlorë po pija kafe dhe më bie në telefon një numër që nuk e njihja. Nuk e hapa në fillim po kur mori për herë të dytë pash prefiksin që nuk e njihja e hapa. Më tha: Jam Gramoz Rexhepi nga Quito, ke bërë një shkrim ku ke përmendur emrin tim. Në atë moment e fika telefonin.” tregoi Hoxha.

Të fundit