Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lamtumira për Zarife Hasanajn, Olta Xhaçka: E kam takuar disa herë, vështirë të zëvendësohet vajzë si ajo

Politiko 10 Maj 2019, 12:55
Lamtumira për Zarife Hasanajn, Olta Xhaçka: E kam takuar disa

Ministrja e Mbrojtjes, Olta Xhaçka ka treguar si e njihte Zarife Hasanajn, nëntetaren e cila humbi jetën gjatë një misioni të NATO-s në Letoni, si pasojë e shpërthimit të një mine.

Gjatë homazheve të mbajtura sot në Pallatin e Kongreseve në një ceremoni shtetërore, Xhaçka tha se të ndjerën Hasanaj e kishte takuar disa herë dhe se ajo ishte një nga më të mirat e Forcave të Armatosura.

“Dua t’i bëjë homazhe kësaj vajze që kam patur raste ta takoj disa herë. Ajo nuk mbante thjeshtë uniformën ushtarake, por ishte shembull për shumë vajza që duan t’i bashkohen Forcave të Armatosura, ishte nga më të mirat, më të aftat dhe që kishte para një karrierë të shkëlqyer, dhe kjo e bën më të dhimbshme, pasi humbëm një nga vajzat që do ta kemi vështirë për ta zëvendësuar. U prehsh në paqe motër e dashur!”, u shpreh ministrja, ku veç saj në ceremoninë e zhvilluar për nder të nëntetares morën pjesë edhe kryeministri, Edi Rama, kreu i Kuvendit Gramoz Ruçi, presidenti Ilir Meta, kreu i PD, Lulzim Basha, deputetë të Kuvendit etj.

Në nder të nëntetares Hasanaj sot është shpallur ditë zie kombëtare.

Të fundit