Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Lëreni Anisën të shkojë!

Politiko 8 Korrik 2020, 16:04
Lëreni Anisën të shkojë!

Nga Neda Balluku

Nuk e mbajtëm dot Anisën në jetën të cilën ndante me ne. Preferoi një iluzion në të cilin ne nuk ndodheshim, më para se çdo realitet që zbuloi për 30 vite.

Lëreni të ike dhe nuk ka rëndësi si e bëni, ashtu sikundër nuk ka më rëndësi as si e bëri ajo. As se si iku. As sesi ëndërronte të rikthehej.

Nuk mund të gjykojmë ikjet e askujt! Jo për aq kohë sa nuk dimë t'i marrim këto ikje dhe të mësojmë të mbajmë mes nesh siç duhet Anisa të tjera. Njëri-tjetrin. Veten tonë. Lëreni të ikë tek ëndrra për parajsën në rikthim. Ai rikthim aq shumë i dëshiruar tregonte shpresën e palëkundur që kishte se mes nesh diçka mund të ndryshojë.

Nëse mes nesh nuk mund të ndryshojë asgjë, atëherë lëreni të ike dhe kursejini dritat e panevojshme dhe zhurmat shurdhuese me të cilën po përcillni ikjen e saj. Ajo kishte nevojë të ikte brenda katër muresh, sepse besonte që me rikthim do të mund t'i thyente dhe prej tyre të tregonte se dhe ne, jeta jonë, realiteti ynë, Shqipëria jonë, bota jonë, mund të jetë më e mirë. A mund të jetë bota jonë më e mirë? Nëse jo, lëreni Anisën të ike!

Mos lejoni më që ikja e saj, të jetë ngjarja e disatë e jashtëzakonshme në vendin tonë, i cili po aq jashtëzakonisht shpesh na tregon që çdo ngjarje është thjeshtë e paralajmëruar. Gjithçka është e paralajmëruar në këtë vend e në këtë botë. Duhet vetëm të ndalojmë, të dëgjojmë dhe të kuptojmë. Në mënyrë që të nisim të ndryshojmë.

Por ne nuk po kuptojmë dhe na mbetet vetëm të lëmë Anisën të shkojë. E cila iku me shpresë. Mbase dhe me shpresën që ne, ta lemë, të shkojë!

Të fundit