Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Letër Andrea Stefanit

Politiko 16 Qershor 2017, 13:43
Letër Andrea Stefanit

Nga Agim Xhafka

I miri dhe i drejti Ndreko. Ike i ri dhe më erdhi shumë keq për ty e familjen tënde. Kam një jetë që të njoh ndaj të thërras me emër të shkurtuar. Ende vlerësoj koherencën tënde dhe pandryeshushmërinë e bindjeve. Ke qënë i ngurtë, pranoje! Nuk ke marrë kthesa se ashtu ishe gatuar.

Por nga vdekja jote e këtej ka shumë ngjarje, po t'i tregoj açik se nuk ka per të të ndodhur ndonjë infarkt tani.

Ilir Meta u bë president. Mos qesh, nuk gënjej. Mos u habit se ndodhi. Shaj sa të duash, u votua ai. Po, po, me votat e Ramës. Jo, PD nuk i dha asnjë votë. Nuk gënjej se ata nuk u dukën fare në parlament atë ditë. Si u bë president shkaktari i 21 janarit?! Mos pyet mua, e bëri Rama. Nuk pyeti as për katër të vrarët as për bllokun, as për vjedhjet. Drejt e në krye të vendit e çoi. President me gishta obezë si të një kambisti.

Hahaha, komike e tragjike. Por ka akoma. Ministrinë e Brendshme tani e ka Lul Basha. Qesh, ti qesh se e pandeh si një nga humoret e mija. Eshtë e vërtetë, mor burrë. Ia dha Rama me doçkën e vet. Bile dhe Ministrinë e Financave, të Drejtësisë, të Shëndetësisë, të Arsimit, OSSHEE-në, Drejtorinë e Burgjeve... Çfarë mbajti për vete? Po ja, mbajti Taulantin, Ruçin, Majkon... Vërtet gomerë janë, por i duhen. Nuk beson? Pyet Muçin. Hahaha, po qesh. E di, mirë thua. Po të ishtë lajm i saktë Muçi do ia kishte hequr vetes. Nuk ka njerëz aq të drejtë sa ty. Sa pak kohe ka që u largove dhe shiko si u përmbys vendi. E di që të vjen keq se je lodhur duke mbrojtur ca njerëz pa parime, por ja që i tillë je ti.

Pse qesh? Pse gëzohesh? Kuptoj. Je i lumtur që ke mbyllur sytë para se të ndodhnin këto zagarllëqe. Ke të drejtë, nuk do i duroje dot. Do kuptoje se Saliut i ke rënë më qafë kot. Por ja që jeta kështu është. Ata që i pandehim ëngjëj na dalin djaj me brirë. Do akoma të reja nga mbitoka? Ok, të kuptoj. Mos u mërzit. Nuk të shkruaj më se mund të ndodhë dhe qeveri e ardhshme Rama-Basha. Nuk e thashë kot, ka sinjale. Ok, ok, po e mbyll këtu. Të uroj mos të të mberrijë asnjë lajm nga ne. Se Shqipëria nuk kuptohet asnjëherë. Kot e ke dashur aq shumë. Adio, miku im i drejtë. Adio!

Të fundit