Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Letërsia si fotografi, apo fotografia si letërsi?

Politiko 10 Maj 2019, 09:07
Letërsia si fotografi, apo fotografia si letërsi?

Stefan Çapaliku

Nga kjo kafe, që sot nuk asht ma, Milloshi shikonte atë cka mund të shihej prej dritares kur ishte dimer, e prej vrimave të kësaj grrile prej druni, kur ishte verë e rrinte jashtë.

Prej andej ka pasë mundësi me pa qartë shumë skena qytetase: Një njeri që rrahte kalin e vet të pafajshëm, thjesht e vetëm se barra ishte tepër e randë; një student tek kthehej në shpi; Kolën me portretin e së shoqes të lyeme e të zhgrryeme nder mend; Luken, si njenen nga ato… e kështu me rradhë gjithë t’birt shekulli të ri…

Milloshin te Kafe “Adriatik” e njihnin të gjithë e jo vetëm klientët e përhershëm. Atë e njihnin edhe kamarierët e banakierët te të cilët mesa duket ai qe rrëfye dhe ia kishte tregue sëmundjen e vet. Prandaj dhe ata i kishin rezervue një filxhan të vetin. Ishte filxhani i personalizuem i një tuberkulozi.

Dhe ky tuberkuloz, poet, i veshun e i mbathun ma së miri, mësues, i krehun e i lyem me brilantinë, e me gjithcka tjetër simbas modës, kalonte ditët e fundit të jetës së vet shpresëpakë e me sy që i zmadhoheshin përherë e ma tepër.

Aty mund ta takoshin edhe miqtë e vet apo kushërinjtë apo edhe të njohunit e motrave, me të cilët organizonte mbramjet në shpi të vet e nën tingujt e ambël e melankolik të mandolinës, që i binte virtualisht.

Kështu pak a shumë ma ka tregue Migjenin një miku i tij, bashkëmoshatar e mehallali, agronomi Rozar Dodmasej…

Të fundit