Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lëvizja për Universitetin rrëzon paktin e Edi Ramës: Shumë pak, shumë vonë, me hile

Politiko 26 Dhjetor 2018, 14:40

Lëvizja për Universitetin rrëzon paktin e Edi Ramës:

Protesta e studentëve për plotësimin e tetë kërkesave do të vijojë edhe në muajin janar. Ky është vendimi i marrë nga Lëvizja për Universitetin, pak minuta pasi kryeministri Edi Rama prezantoi të ashtuquajturin ‘Pakt për Universitetin’. Nëpërmjet një reagimi, kjo organizatë e konsideron shumë pak paktin e Ramës, të vonuar dhe hileqar.

“Gjatë daljes së sotme publike, kryeministri Rama nuk habiti askënd me refuzimin e tij për t’u dhënë zgjidhje substanciale kërkesave të studentëve”, thuhet në reagimin e aktivistëve.

Në reagim renditen të gjitha kërkesat e studentëve që qeveria nuk i ka dhënë asnjë zgjidhje, siç është ulja e tarifave në master, rritja e peshës së votës së studentëve, shkëputja e Bordeve të Administrimit nga kontrolli qeveritar apo rritja e buxhetit për arsimin e lartë.

“Për të gjitha këto arsye, protestat duhet të vazhdojnë dhe të bëhen më masive deri në plotësimin e të gjitha kërkesave studentore dhe rrëzimin e ligjit të arsimit të lartë. Studentët bashkuar kanë për të fituar”, njoftojnë aktivistët.

8 kërkesat e studentëve në mbledhjen e qeverisë, Rama: Këto janë vendimet që kemi marrë

Kriza e universiteteve, Basha bën publike propozimet e PD: 74 mln dollarë më shumë për arsimin

Reagimi i plotë i Lëvizjes për Universitetin:

SHUMË PAK, SHUMË VONË, ME HILE

Gjatë daljes së sotme publike, kryeministri Rama nuk habiti askënd me refuzimin e tij për t’u dhënë zgjidhje substanciale kërkesave të studentëve:

1-Shumica dërrmuese e studentëve të masterit do të vazhdojë të paguajë tarifa vjetore nga 60,000 deri në 115,000 lekë (të reja) në vit.

2-Pesha e fuqisë studentore në zgjedhjen e autoriteteve drejtuese të universitetit do të mbetet në 10% mjeran. Vota e një pedagogu do të vijojë të vlejë rreth 300 herë më shumë se ajo e një studenti. As Rama e askush tjetër nuk ka mundësi të marrë në shqyrtim mbi 20’000 universitetet e kësaj bote. Mirëpo ka plot raste ku pesha e votës studentore është më e lartë se 10%. Një shembull mund të ishte Universiteti Autonom i Barcelonës.

3-Bordet e Administrimit të universiteteve do të vazhdojnë të kontrollohen nga qeveria. Premtimi se një prej përfaqësuesve të qeverisë do të zgjidhet prej 3 propozimeve që vijnë nga strukturat përfaqësuese të studentëve është hileqar. Çdo qeveri i ka aq në dorë strukturat burokratike studentore (këshillat studentorë) sa për të futur një vegël të saj në listën 3-emërore.

4-Qeveria nuk ka treguar se sa do të rritet buxheti i shtetit për arsimin e lartë. Rama tha se në vitet në vijim do të ketë ulje të ndjeshme të kuotave për studimet bachelor në universitetet publike. Çdo ulje tarifash bachelor-i do të shoqërohet me ulje të numrit të studentëve, çka nënkupton se financimi shtetëror për universitetet publike nuk do të ndryshojë ndjeshëm.

5-Në kushtet ku diplomoret private lulëzojnë, çdo ulje kuotash në universitetet publike nuk do të zgjidhë “mbiprodhimin” e gazetarëve apo juristëve, por thjesht do t’i shtyjë kandidatët për gazetarë dhe juristë drejt diplomoreve private, duke sjellë miliona euro shtesë për pronarët e tyre.

6-Mbi të gjitha, qeveria konsideron të panegociueshëm jo vetëm rrëzimin e ligjit të arsimit të lartë, por edhe ndryshimin e pjesshëm të tij:

-Universitetet publike do të vazhdojnë të vuajnë nga pasiguria financiare, e cila sjell me vete rritjen abuzive të kuotave të studimeve master, lëshimin e notës dhe komercializimin e jetës universitare.

-Diplomoret private do të kenë sërish mundësi të fusin duart në buxhetin e shtetit.

-Tarifat e studimeve mund të rriten që vitin e ardhshëm si rezultat i pakësimit të buxhetit për universitetet publike.

-Universitetet do të vazhdojnë të jenë të varura nga qeveria dhe të pavarura nga studentët.

Për të gjitha këto arsye, protestat duhet të vazhdojnë dhe të bëhen më masive deri në PLOTËSIMIN E TË GJITHA KËRKESAVE STUDENTORE DHE RRËZIMIN E LIGJIT TË ARSIMIT TË LARTË.

STUDENTËT E BASHKUAR KANË PËR TË FITUAR!