Lidhja e këngëtareve shqiptare me mafien, reagon ashpër Bebe Rexha

Vitet e fundit këngëtaret me origjinë shqiptare si Rita Ora, Dua Lipa, Bebe Rexha, Ava Max e shumë të tjera kanë arritur suksese të jashtëzakonshme në industrinë muzikore të botës. Por mesa duket jo të gjithë i gëzohen suksesit të vajzave. Një përdoruese e Twitter, Bethany Joan, ka akuzuar këngëtaret se kanë paguar shuma të majme parash për t’u bërë pjesë e top-listave muzikore dhe për të depërtuar në tregun muzikor ndërkombëtar. "Ju mund të keni parë një shpërthim të pazakontë dhe të papritur të yjeve të popit shqiptar që kishin një depërtim të jashtëzakonshme në skenën kryesore të Top 40 në ShBA dhe Evropë. Këta artistë janë: Dua Lipa, Bebe Rexha, Ava Max, dhe Rita Ora. Shuma të mëdha parash për t’i bërë ato gjëra të ndodhin. Pse?”, shkruante ajo në Twitter. Bethany publikoi një tjetër foto ku duken vajzat dhe krahas tyre dy persona me maskë me simbolet kombëtare. “Rritja e papritur e yjeve shqiptare të muzikës pop dhe lidhja e tyre me mafien shqiptare”, shkruan ajo.

The sudden surge of Albanian pop stars and their connection to the Albanian mafia ***A Twitter Thread*** pic.twitter.com/5lBktn0gWs

— Bethany Joan (@mamabethanyjoan) July 20, 2020

Gjithë kjo situatë ka revoltuar Bebe Rexhën, e cila ka reaguar menjëherë dhe teksa thotë se askush nuk mund të mendojë që tregu i huaj arrihet nëse vetëm ke para: “Sinqerisht ky është budallallëk. Po ashtu nëse e gjeni “numrin e mafias” që thoni se na bëri të famshme a do të ma dërgoni edhe mua? Unë kam një këngë solo të re që do të dalë së shpejti. Ndoshta ata mund të ndihmojnë dhe “të më blejnë një hit” siç pretendon ti. Shumë për të qeshur. Mos e anashkalo faktin që femrat shqiptare kanë punuar shumë për këtë."

Honestly this is so dumb. Also if you got the “mafia number” that you say made us famous will you send it to me? I have a new single coming out soon. Maybe they can help out and “buy me a hit” like you claim. Lol. Don’t take away what Albanian FEMALES have worked hard for. https://t.co/CLzvMqFHZA

— Bebe Rexha (@BebeRexha) August 26, 2020