Lineker ka një fiksim te Liverpool: S’është sulmues, por do bëhet më i miri

Gary Lineker nuk e mohon kurrë admirimin e tij për Liverpool, Jurgen Klopp dhe shumë lojtarë të skuadrës së kuqe. Duke folur në “The Guardian”, legjenda e futbollit anglez ka shprehur admirim edhe më special për një mbrojtës. Bëhet fjalë për djaloshin Trent Alexander-Arnold.

“Ai më pëlqen shumë. Mendoj se do të bëhet më i miri nga të gjithë. Liverpool ka shumë lojtarë të fortë, sidomos treshja e sulmit, por Arnold është i veçantë. Mjaftojnë 3-4 veprime që bën në ndeshje dhe them: ‘Oh, Zot!’ Për shembull, si ai veprim i jashtëzakonshëm në gjysmëfinalen e Championsit kundër Barcelonës”, ka deklaruar Lineker.