Flash News

Ndërron jetë në spitalin e Traumës i mituri që u përplas nga makina

Goditi me makinë efektivin, ndalohet nga policia Aurel Mehaj, dhëndri i ish-kryebashkiakut të Elbasanit

Klos-Burrel/ Shoferi humb kontrollin e makinës, përplas të miturin

Zjarr mbi varrezat e ‘Dëshmorëve’ në Delvinë

Aksidenti me 4 viktima në Fushë Prezë, arrestohet drejtuesi i betonieres dhe dy të tjerë, në kërkim administratori i firmës

KRYESORE

'Linja turke' e Ramës dhe Sinan Idrizit/ Shkeljet me ‘MDN Investments’, ortake e Air Albania dhe menaxhuese e Aeroportit Vlorë  

Politiko 7 Qershor 2018, 18:15

Pas dështimeve të disa kompanive shqiptare të fluturimeve, një logo e re do të themelohet në Qendrën Kombëtare të Biznesit, ‘Air Albania’. Televizioni Scan raporton se kanë nisur procedurat për shoqërinë “Air Albania shpk” dhe vednimi është publikuar në Fletoren Zyrtare. Tre janë aksionerët: kompania shtetërore “Albcontrol”, “MDN Investment shpk” dhe Turkish Airlines.

Sipas ligjeve në fuqi, që një kompani të konsiderohet ‘shqiptare’ duhet që pala ‘vendase’ të ketë 51 % të aksioneve. Këtë rol ligjor e marrin kompania shtetërore “Albcontrol sh.a.” dhe ortaku tjetër shqiptar “MDN Investiment”, sh.p.k. i adminsitratorit të ‘Flamurtarit’, Sinan Idrizi.

Është ende e paqartë se si do të ndahen aksionet në përqindje mes kompanisë shtetërore Alb Control dhe MDN Investments dhe, mbi cilat kritere është zgjedhur kjo kompani për të qenë përfaqësuese e dytë e palës shqiptare në joint- venture me kompaninë turke Turkish Airlines. Një kërkim i Politiko.al në faqen zyrtare të QKB mbi aktivitet e shtetasit Sinan Idrizi, administrator me 100 përqind i MDN Investments, rezulton se kompania  e tij ‘Firma 19’, e regjistruar në vitin 2002, ku ai zotëron 100 përqind të aksioneve është ‘e specializuar’ në “sektorin e shërbimeve, import-export dhe tregtimin e artikujve të ndryshëm”.

Referuar objektit të aktivitetit ‘Firma 19’, kompania me të cilën është përfaqësuar deri tani biznesmeni Idrizi, nuk e ka ekspertizën e nevojshme, apo aktivitet të ngjashëm me industrinë ajrore (airlines).

Duke theksuar se Idrizi nuk është regjistruar si ortak i ‘Air Albania’ me ‘Firma 19’, por me ‘MDN Investments, siç thuhet edhe në Fletoren Zyrtare. Identifikimi i datës së krijimit të kompanise në fjalë, 7 maj 2018, tregon se ‘MDN Investments’ është krijuar enkas për ‘partneritetin’ e Air Albania, një kompani e lajmëruar para pak muajsh nga kryeministri Rama.

Objekti i aktivitetit të kompanisë, siç është identifikuar në ekstratin e QKB, përqendrohet  te “menaxhimi i Aeroportit Ndërkombëtar” (të Vlorës- shënim i Politiko).

Ajo që bie në sy është se, për menaxhimin e aeroportit dhe terminalit është krijuar një kompani para fillimit të ndërtimit të tyre, dhe se e njëjta kompani do të regjistrohet si palë kontraktuese e ‘Air Albania’, një shoqëri shqiptare fluturimesh.

Përveç mungesës së transparencës, ekspertizës, konkurencës, prania e ‘MDN Investments’ si ortake në kompaninë ‘Air Albania’ dhe në menaxhimin e Aeroportit Ndërkombëtar të Vlorës, krijon monopol në treg.

Përveç dyshimit se një kompani e tillë, pa ekspertizë dhe e krijuar në kushtet e flagrancës kohore, nuk është gjë tjetër veç një mbulesë për ‘aksionerë’ të tjerë në zyra politike dhe shtetërore.

 

Të fundit