Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Linjë ajrore Tiranë-Riad, fluturimet do kryhen nga 'Flynas'

Politiko 18 Prill 2019, 23:01
Linjë ajrore Tiranë-Riad, fluturimet do kryhen nga 'Flynas'

Kompania ajrore low cost FLYNAS, do të nisë operimin në Shqipëri duke ofruar fluturime Tiranë-Riad. FLYNAS është kompania e dytë më e madhe në Arabinë Saudite dhe është vlerësuar për dy vite radhazi si kompania që ofron çmimin më konkurrues në fushën e low cost. Ministrja e Infrastrukturës dhe Infrastrukturës, Belinda Balluku dhe presidenti i kompanisë ajror FLYNAS, Bander Al-Mohanna firmosën sot memorandumin e bashkëpunimit.

Në fjalën e saj gjatë ceremonisë së nënshkrimit të marrëveshjes, ministrja Belinda Balluku theksoi se qëllimi i këtij memorandumi është vendosja e një linje ajrore direkte Tiranë-Riad me opsionin për t’u shtrirë dhe në destinacione të tjera.

Nga ana e tij, presidenti i kompanisë FLYNAS, Bander Al-Mohanna, e cilësoi marrëveshjen me MIE-në si strategjike veçanërisht sa i takon mbështetjes dhe fuqizimit të turizmit. “Jemi këtu me bindjen e plotë që Shqipëria i ka të gjithë përbërësit e duhur që të bëhet një vend atraktiv turizmi për Arabinë Saudite, por edhe për vendet e tjera të rajonit. Në muajt vijues do të punojmë ngushtësisht me ministrinë përkatëse por edhe ato të linjës, si edhe me ambasadën shqiptare në Riad për të nisur një fushatë promovimi për Shqipërinë që të bëhet një destinacion turizmi jo vetëm për vendin tonë, por edhe për vendet e Gjirit Persik”, u shpreh presidenti Al-Mohanna.

Flynas është një kompani low cost me qendër në Arabinë Saudite, e themeluar në vitin 2007. Aktualisht kjo kompani ka në flotën e saj 31 avionë dhe së shpejti do të nënshkruajë marrëveshjen e dytë më të madhe në rajon me Airbus për të marrë edhe 120 avionë të tjerë. Në vitin 2018 rreth 6.6 milionë pasagjerë kanë fluturuar nëpërmjet 60 mijë fluturimeve kombëtare dhe ndërkombëtare të Flynas. Destinacionet e fluturimeve të kësaj kompanie ajrore përfshijnë Austrinë, Turqinë dhe Greqinë në Europë si dhe gjithë vendet e Lindjes së Mesme dhe një sërë vendesh të Lindjes së Largët.

Të fundit