Lirimi i Alvin Berishës nga kampi i ISIS, reagon Rama: Ishte operacion tejet kompleks dhe i rrezikshëm

Reagon kryeministri Edi Rama pas publikimit të lajmit se 11-vjeçari Alvin Berisha është liruar nga kampi i ISIS në Siri.

Me një foto, ky vogëlushi shfaqet në një makinë me ministrin e Brendshëm Sandër Lleshaj, Rama thotë se aktualisht Alvini ndodhet në Beirut në ambasadën italiane, ku po pret të pajiset me dokumente, për të fluturuar për në Romë.

Po ashtu, Rama shkruan se ky ishte një operacion i rrezikshëm, ndërsa thekson se në këtë aksion u angazhua edhe kryeministri italian Conte.