Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lista antiBasha plot me 'grabitqarë statutorë'. Pse funksionet e Malkos, Alizotit etj. janë në shkelje të statutit

Politiko 7 Korrik 2017, 20:29

Lista antiBasha plot me 'grabitqarë statutorë'. Pse

Partia Demokratike është mbërthyer nga debate të brendshme, menjëherë pas përfundimit të zgjedhjeve të 25 qershorit. Kritikat ndaj kryetarit Basha filluan ende pa u numëruar gjysma e kutive të votimit. Përveç sulmeve për rezultatin e pakënaqshëm të PD në zgjedhje, Basha mori kritika edhe për atë që të grupuarit në disa lista e quajtën 'shkelje të statutit të partisë'. Që kishte të bënte me faktin se ai nuk dha dorëheqjen, por i ngriu funksionet e tij ekzekutive në parti.

Çudia është se shumica e atyre që e akuzojnë Bashën për 'shkelje statuti', janë vetë, bashkë me funksionet e tyre partiake, në shkelje të statutit të partisë. Me firmën e Lulzim Bashës. Nëse kryetarit i lejohej shkelja në favor të tyre, të favorizuarit nuk ia lejojnë më për asnjë shkak jashtë tyre.

Politiko.al ka shqyrtuar disa prej emërimeve të bëra në Partinë Demokratike pas zgjedhjes kryetar të Luzim Bashës, dhe ka gjetur disa 'shkelës statuti' ndër ata që bërtasin sot për shkelje statuti.

-Gent Malko, një prej më të zëshmëve në sulmet ndaj Bashës është emëruar, nuk është zgjedhur, nga Lulzim Basha në krye të Departamentit të ish-Pronarëve.

-Tomorr Alizoti nuk është zgjedhur, por emëruar, në krye të Departamentit të ish-të Përndjekurve Politikë.

(Alizoti dhe Malko kanë ndarë mes tyre Departamentin e ish Pronarëve dhe të Përndjekurve, që drejtohej nga Belind Këlliçi. Pas zgjedhjes së Këlliçit në krye të FRPD, Departamenti u nda më dysh. Malko kishte garuar kundër Këlliçit për Departmentin në fjalë, pa mundur të fitonte. E mori 'dhuratë' nga Basha.

-Enri Çeno, pasi garon për kreun e FRPD, e lë garën në raundin e dytë, pasi kishte marrë vetëm një votë. Basha e emëron në krye të Departamentit të të Drejtave të Njeriut. Çeno ishte i shtati në listën e Durrësit.

-Besart Kadia është emëruar nga Basha në krye të Sekretariatit të Sipërmarrjes.

-Ervin Salianji u emërua nga Basha në krye të Sekretariatit të Aksionit Qytetar.

-Arben Imami u emërua nga Basha President i Fondacionit Liri Demokraci dhe u kooptua në Kryesi.

Asnjë prej emrave të mësipërm nuk është votuar në Këshillin Kombëtar, sipas statutit, por janë emëruar nga Basha. Jo të gjithë emrat në listën e mësipërme janë në 'listën anti-Basha'. Rastësisht ndoshta, ata që janë lënë jashtë 'listave të sigurta' për deputetë kanë ngritur krye.