Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Lista e PD/ Berishën e kërkon historia në Kavajë, politika në Tiranë dhe tradita në…Tropojë

Politiko 24 Maj 2017, 14:26
Lista e PD/ Berishën e kërkon historia në Kavajë, politika

Partia Demokratike ka hyrë në ditët e fundit të hartimit të listave e kandidatëve për deputetë dhe vëmendje kryesore i është kushtuar atyre që do të drejtojnë fushatën në 12 qarqet e vendit.

Emri i Sali Berishës, i cili hyn për herë të parë në zgjedhje jo si kryetar i PD-së, ka ngjallur interes për të mësuar se në cilin qark do kandidojë.

Burime për Politiko.al nga selia blu bëjnë të ditur se janë dy qarqe që po diskutohen për Berishën dhe ato janë Tirana me Kukësin. Mësohet se emri i Berishës po diskutohet për tu vendosur në pozicionet e para në listën e Tiranës, por jo për ta drejtuar atë, ose sërish në të njëjtën listë por përgjegjës për zonën e Kavajës. Një tjetër opsion është kandidimi në Tropojë, pjesë e qarkut të Kukësit.

Në këtë situatë politike, Berisha dhe PD janë përballë tre drejtimeve nga të cilat ish-kryeministri duhet të zgjedhë njërën.

Historia e kërkon Berishën të kandidojë në Kavajë, bastion historik i PD-së të cilin demokratët e humbën në zgjedhjet e 2013-ës kur ish-kryeministri vendosi për herë të parë pas më shumë se 20 vitesh që të mos kandidonte më aty. Roli i Berishës në Kavajë shihet i rëndësishëm edhe për faktin se bashkia fqinje me Tiranën zhvillon po më 25 qershor zgjedhjet për kryetarin e saj dhe PD-ja përveç një kandidati serioz për kryebashkiak i duhet edhe një angazhim i fuqishëm politik, në një kohë kur Partia Socialiste ka dërguar në atje ish-ministrin e Financave Arben Ahmetaj, raporton Politiko.

Por, situata brenda partisë, të cilës Basha i ka dhënë tashmë identitetin e tij, kërkon që Berisha të mos marrë një rol dominant në zgjedhje dhe të mos jetë kryesues në asnjë prej listave të PD, çka favorizion opsionin e kandidimit në një pozicion të lartë, por jo në krye të listës së Tiranës.

Një tjetër variant në tavolinë është rikthimi i Berishës te rrënjët e tij, në Tropojë. Qarku i Kukësit do të jetë një prej fushëbetejave të kësaj fushate. Këtij qarku i është hequr një mandat deputeti për zgjedhjet e 2017-ës, duke e çuar në tre të tilla.

Në zgjedhjet e fundit ishte PD-ja ajo që nxorri tre deputetë dhe PS vetëm një, ndërsa LSI ishte shumë pranë me vota për të marrë ajo një nga deputetët e PD.

Por nuk mjafton vetëm ndarja elektorale e 2013-ës për të kuptuar situatën e nxehtë që do jetë në Kukësin me klimë të ftohtë. PS ka zgjedhur Mimi Kodhelin për të udhëhequr listën në atë qark dhe pas saj renditet biznesmeni Safet Gjici, i cili ishte kandidat për kryebashkiak të Kamzës në zgjedhjet lokale të 2015-ës. Pa harruar që Gjici është president i klubit të Kukësit që u shpall kampion për herë të parë në kampionatin shqiptar dhe më shumë se lojarët dhe trajneri, në media kanë folur për ketë sukses vetë Gjici dhe ministrja Kodheli, raporton Politiko.

Në kushtet kur PD rrezikon të humbasë mandatin e dytë në Kukës me këtë përballje, duke dorëzuar një tjetër bastion demokrat në favor të socialistëve, kandidimi i Berishës atje do e pamundësonte diçka të tillë.

Gjithsesi, Basha dhe grupi i punës vazhdojnë diskutimet dhe konsultat për të caktuar deri të premten jo vetëm ku do kandidojë Berisha, por kush do të jetë ekipi që do kërkojë fitoren në zgjedhjet e 25 qershorit.

Preç Zogaj dhe Aldo Bumçi në ‘garë’ për Lezhën; del emri surprizë që pritet t’i bashkohet listës së PD

Ekskluzive/ Zbardhen negociatat PD-PAA, kushti që Duka i ka vendosur Bashës dhe çfarë e tremb kryedemokratin

Zbulohet njeriu i rëndësishëm që do të menaxhojë fushatën PD-së në të gjithë Shqipërinë

Të fundit