Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Lleshaj zhvillon takimin e parë si ministër, kërkesë për asistencë logjistike dhe trajnime nga Austria
Ministri i Brendshëm Sandër Lleshaj u takua me Presidentin e Këshillit Kombëtar të Austrisë, Wolfgang Sobotka. Sipas njoftimit të ministrisë së Brendshme, në qendër të takimit ishte thellimi i bashkëpunimit mes dy vendeve, me fokus të veçantë përmbushjen e kushteve prej Shqipërisë në rrugëtimin drejt BE-së.
Duke u ndaluar tek reformat e realizuara, Sobotka theksoi se Vetting-u në sistemin e drejtësisë është një pikë kyçe në këtë proces, dhe në këtë kontekst, vlerësoi dhe inkurajoi përpjekjet e Shqipërisë për të vijuar më tej. Gjithashtu, Presidenti Sobotka tha se lufta kundër krimit të organizuar, jo më kot është një pikë e rëndësishme në kërkesat e BE-së, duke nënvizuar se rezultatet do të bindin edhe vendet ende skeptike. Ai deklaroi se Austria mbetet një partner shumë i rëndësishëm i Shqipërisë, e këtu veçoi jo vetëm marrëdhëniet bilaterale, por edhe në një kontekst më të gjerë rajonal.
Nga ana e tij, Lleshaj konfirmoi se Vetting-u në drejtësi, do të pasohet nga Vetting-u në Policinë e Shtetit, duke shtuar se nderi dhe integriteti i punonjësit të Policisë janë themelore për të patur një trupë policore profesionale dhe të shëndetshme.
“Më tej z. Lleshaj shtoi se lufta kundër krimit të organizuar do të njohë të tjera rezultate. Ministri i konfirmoi bashkëbiseduesit se Task Forca Speciale, në kuadër të Operacionit “Forca e Ligjit”, si një punë e nisur nga ministri paraardhës, do të vijojë më me forcë e ritëm, duke përfshirë gjithë strukturat dhe agjencitë ligj zbatuese.
Në vijim ai u ndal edhe tek lufta kundër korrupsionit dhe pastrimit të parave. Gjatë bisedës, ministri i Brendshëm parashtroi kërkesën për asistencë logjistike dhe trajnime për Policinë e Shtetit. Ai e njohu kreun e parlamentit austriak me vizionin e tij, për modernizimin e Policisë së Shtetit”, thuhet në njoftimin e shpërndarë nga Ministria e Brendshme.