Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Llideri me gurë në strajcë

Politiko 8 Korrik 2019, 20:22

Zef Zefi

Parlamenti socialist i Mozit komunist, pritet të mbajë seancë të jashtëzakonshme këtë javë për të interpeluar kryeministrin socialist të qeverisë socialiste lidhur me mosaprovimin e asnjë projekti në favor të Shqipërisë socialiste nga ana e samitit euro-armiqësor të Poznanit.

Kërkesa për interpelancë me sa duket është depozituar nga grupi parlamentar i "Bashkimeve Profesionale" me nënshkrimin e hajdarinës e gjuz-murrizit nën ndikimin e "bindjes" që fitoi votimet e radhës.

Siç po thuhet botërisht, llideri socialist global, bir 10%-ësh i këtij populli, u përcoll "me gur në strajcë" dhe pa asnjë kokërr leku prej samitit europian. Nga një foto e instagramuar me sa duket pa lejen e Tij, llideri na është paraqitur mbi kaptellin e samarit të transportit, me gjithë strajcën e gurëve në prehër. Besohet se kjo foto mjaftoi për ta karikuar javën e opinioneve para interpelancës.

Foto-adhuruesit po dhe kundrathënësit e kanë parë liderin në qindra poza me brekushe, me gjysëm brekushesh dhe pa to fare, të droguar të eglendisur, të lagur e të tharë, po të rrëgjuar në këtë farë feje, jo nuk kishte ndodhur. Kjo i mban në sherr adhuruesit me kundrathënësit për rrjedhojë politikën e majtë.

Kur populli ia ngarkon socializmit të bëjë edhe pushtetin edhe opozitën, nuk ke nga ia mban. Adhuruesit thonë se Ky pra i mrekullueshmi llider, bën gjasma. Aktron sherret e djallë me brirë. As mos ia qani hallin se i varen atij..., vetanak, por nuk i plaby... I pleqnojmë vetë punët tona. Nga ana tjetër kundrathënësit edhe këta të majtë me me thuprën e fb mbi foto, turren mbas detajit, sepse aty flë djall-zia; psh me gjysmën e leshit të mjekrës kaçurrel, tjetrën të lëpirë, lideri nuk ka përcjellë foto kurrë. Cili është mesazhi, po kumti? Ç'ka dashur të thotë? Kë ka dashur të verë në lojë, të tallë, të lajmërojë të përbuzë, shantazhoje, punë për të. Në fund të fundit do t'ja shohim.

Duhma e thashethemnajës kanë mbërritur deri atje sa të insinuohet se lideri nuk është vrerosur për mungesën e lekëve për barkthatët e qeverisë. Për këtë as nuk e rru...atë, dmth mjekrën. Por ngaqë samiti nuk ofroi Atij të paktën një mikrofon për hemoragjinë e ligjërimit. Po a e hanë adhuruesit këtë kokërr thane? Kurrë jo. Ata menjëherë kanë shpallur antishpifjen e tyre; (që sipas tyre buron direkt nga vrima konfidenciale e lliderit).

Antishpifja konsiston në atë se ditën e seancës lideri nga trasta do të nxjerrë jo gur të thjeshtë frazeologjizmash por gurë të çmuar e diamante. "Asnjë lider ne Europë nuk ka lal'soros, as grua me bankë,"-kreshpërohen sfidues. Sidoqoftë java politike do të shkonte mrekulli me luftën e ndezur politike midis adhuruesve dhe kritikëve të llogjeve të majta, nëse nuk do të ishte gjetur një gur i dyshimtë mbi xhamin e makinës së një kritiku të drejpërdrejtë të lliderit, dikur mik i tij për kokë.

Guri sipas njoftimeve të para të ekspertëve të balistikës së lleshsandrit, nuk është gjetur autokton. Gur i jashtëm thuhet. Disave u shkon mendja te strajca me gurë e lliderit, po hajde çile po ta mbajti. Sepse përfundon direkt në vrimën socialiste të burgut socialist.

Sidoqoftë, kaq ishte kronika e socializmit (pozitë-opozitë) e lliderit 10%-ësh në javën para interpelancës. Për 90% e popullit, nuk ka asgjë të re. Thjesht protesta.