Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Lu pajtohet me Ramën për të larguar Llallën; presioni i Opozitës për Prokurorin e ri pozitiv"

Politiko 17 Dhjetor 2017, 20:52

"Lu pajtohet me Ramën për të larguar Llallën; presioni

3 Pyetje për Agron Gjekmarkajn

Politiko.al

1.Protesta e opozitës të hënën, a do ta ndikojë qëndrimin e shumicës për Kryeprokurorin?

Protesta e opozitës është e vonuar, por më mirë vonë se kurrë. Ajo, skandaleve të mëdha politike që ndodhën, ose më saktë shpërthyen këto kohë, u dha mundësinë të shndërrohen në rutinë, i la të kalonin, kjo edhe për faktin se vetë PD si "lokomotivë" opozitare, nuk po jep asnji shenjë serioze reflektimi për katastrofën elektorale. Me një batalion kukullash të zhvleftësuara nuk e merr dot qytetarin nga pas.

Gjithsesi, presionin e Opozitës për zgjedhjen e prokurorit e vlerësoj pozitivisht. Prokurorët janë zgjedhur njëanshëm edhe më përpara, por sipas një procedure kushtetuese. Në këtë rast kemi një kaos të pilotuar për të zhvleftësuar Reformën në drejtësi dhe institucionet e saj. Mungesa e përfaqësuesve të shoqërisë civile në KLP është një shaka e qëllimshme për të arritur te Prokurori i përkohshëm. Mazhorancës në këto momente i duhet një i tillë, i cili po zgjidhet nga Partia Socialiste. Kandidatët u morën në provim nga deputetët e saj. Sigurisht, opozita ka frikë se Prokurori i ri do mbyllë skandalet e qeverisë dhe do hapë të sajat, duke prishur ekuilibrin e Llallës. Opozita, ndoshta, me protestën e saj nuk e kushtëzon sjelljen e mazhorancës, por duhet të synojë vëmendjen e opinionit publik që duket indiferent, sepse i kanë përdhunuar besimin të dyja palët.

2- Pse Rama ngulmon te një Prokuror i përkohshëm duke anashkaluar institucionet e vettingut?

Rama synon një Prokuror të përkohshëm për të zhurmuar skandalin e Tahirit me dosje të pluhurosura të ish-qeveritarëve të PD dhe LSI, duke përdorur kartën e më të fortit. Me ndihmën e propagandës pastaj shpreson të rimarrë besueshmërinë e opinionit. Elementë të Opozitës kanë arsye reale të tremben. Ata që janë të ndershëm, çfardo të bëjë Edi Rama dhe Prokurori i tij kamikaz, e kanë të pamundur të shndërrohen në të korruptuar, s'ka asnjë procedure që do e mundësonte kalimin e ylberit tak-fap. Do të ndodhte heroizimi dhe viktimizimi i Opozitës. Rama, kësaj i druhet. Problemi është se mbulon me pluhur të vetat dhe shkund pluhurin e kundërshtarëve.

3-Qëndrimi i të huajve në raport me Prokurorin, trafikun dhe skandalet që lidhen me të, kanë qenë kontroversiale duke e futur opozitën në një kurs të ashpër me të huajt. A janë ndërkombëtarët fair (të drejtë)?

Së pari, do të thoja se politikanët shqiptarë janë një kastë neo-otomane si mentalitet dhe sjellje. Fëmijë të tarafit dhe dashnorë të vesit. Si të tillë, nuk më duken fair me Shqipërinë. Faik Konica, i cili paskësh qenë mësuesi i Kryeministrit, dhe ne se paskemi ditur, thoshte se Shqipërinë më shumë se kushdo e rrezikojnë politikanët e saj. Problemet tona, si zor se na i zgjidhin ndërkombëtarët, askush nuk t'i zgjidhë nëse nuk je i zoti vetë. Por, ata konstatojnë korrupsionin dhe kriminalitetin, banalitetin dhe të qenit fytyrëshollë të politikanëve tanë, por në këto konstatime, të lodhur nga gënjeshtrat neo-otomane bëhen subjektivë në mbështetje. Në këtë rast, Ambasadori Lu po pajtohet me Ramën thjesht për të larguar Adriatik Llallën, pa shumë kokëçarje, megjithëse e ka ftuar opozitën të punojë me Ramën për një Prokuror konsesual. Personalisht, më duket qasje e gabuar dhe mendoj që opozita, parimisht, ka të drejtë përtej rënies, si daci në govixh, në kurthin e konfliktit me ambasadorët dhe ambasadorin e SHBA.