Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Marjeta dhe Rikard Lajrja, aktorja tregon historinë e dashurisë së tyre: Mes çiftit duhet të ketë tolerancë

Politiko 26 Dhjetor 2017, 17:18

Marjeta dhe Rikard Ljarja janë një nga ato çiftet ikonë të kinemasë shqiptare që dhe sot kanë ende shumë për të thënë për historinë e tyre të dashurisë.

E ftuar në Pasdite në Top Channel, ka qenë aktorja e mirënjohur shqiptare Marjeta Lajrja . Ajo ka folur për historinë e dashurisë me aktorin Rikard Lajrja dhe martesën e tyre dy vite më pas.

"Unë ngelem fëmija, me ëndrra të vazhdueshme, ndërsa Rikardi është natyrë tjetër, më i rëndë, i zhytur në botën e tij të librave, por çiftet kështu janë, të kundërta", ka treguar Marjeta.

Aktorja ka përmendur rëndësinë e përshtatjes dhe tolerancës në çift për të bërë që martesa të funksionojë. Ajo është shprehur se më shumë nga konfliktet e prindërve, vuajnë fëmijët, për këtë arsye të rriturit duhet të bëjnë sakrifica dhe lëshime për ta shpëtuar një martesë. "E jap këtë dhe si këshillë për çiftet sot”.

Të njëjtën gjë kanë bërë dhe ata të dy për të arritur në këtë pikë që janë sot, me një familje të madhe e të lumtur, me fëmijë, nipër e mbesa.

 "Sot gëzojmë vajzën, djalin, fëmijët e tyre dhe presim të tjerë siç vazhdon jeta. Unë kam bërë lëshime dhe falënderoj Rikardin që ka bërë lëshime ndaj meje", ka thënë Marjeta.

Ajo ka kujtuar edhe ditën e dasmës, kur është bërë nuse vetë. "Po, po, e thjeshtë siç kam qenë gjithmonë dhe tani që mezi pres ta heq grimin, ashtu kam qenë dhe ditën e dasmës. U rregullova vetë, shpejt e shpejt rregullova flokët, vendosa ato lulet...Por atëherë ishte gjithçka për herë të parë dhe shkëlqenin sytë", ka përshkruar Marjeta përgatitjen e saj për në dasmë.

"Sot po të më japësh një fotografi duhet të më thuash cila është nusja. Ti mund ta kesh njohur vajzë, por nuk e njeh nuse", është shprehur me shaka aktorja.

 

Të fundit