Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Mbajti në pushtet Edi Ramën”, Meta i përgjigjet deklaratave të Monika Kryemadhit

Politiko 31 Tetor 2017, 21:17

“Mbajti në pushtet Edi Ramën”, Meta i përgjigjet

Presidenti Ilir Meta, gjatë intervistës në emisionin “Fakt” është përgjigjur edhe në lidhje me akuzat që ka hedhur ditëve të fundit kryetarja e LSI-së Monika Kryemadhi se Meta e ka mbajtur në pushtet Ramën.

Meta tha se deklaratat e bashkëshortes së tij janë mendimi i saj dhe se është në të drejtën e saj.

Z.President, a mendoni se mund ta besojë publiku që deklaratat e Kryetares së LSI-së, znj. Kryemadhi, bashkëshortes suaj, janë tërësisht të pandikuar prej Presidentit Meta, pavarësisht se ajo ju ka akuzuar dhe Ju?

Meta: Përsëri nuk dëshiroj të përfshihem në debate apo polemika të tilla. Megjithatë mund të jap një sqarim për rastin konkret.

Unë në shtëpi nuk jam President, jam bashkëshort, jam prind, ashtu sikurse në lagje meqenëse prej më shumë se një viti jemi bashkë në një lagje, nuk jam President dhe nuk sillem si i tillë, por si një banor i zakonshëm i lagjes.

Unë besoj te të drejtat e njeriut, sepse e di që ajo pak që do të donin apo do të dëshironin të interpretonin, keqinterpretonin apo të paragjykonin faktin që bashkëshortja e Presidentit është edhe Kryetare e një force politike, që ndikohet nga ajo, apo ndikon tek ajo.

Dua t’ju siguroj se që nga 24 korriku raportet e mia janë krejtësisht të qarta edhe me partinë që kam drejtuar edhe me skenën politike në vend. Unë jam përkushtuar një detyre, një Institucioni. Do përpiqem ta bëj këtë punë, dhe ta përmbush këtë detyrim kushtetues me përgjegjësi dhe përgjegjshmëri maksimale. Nuk mbaj asnjë përgjegjësi se çfarë bën forca politike që kam drejtuar apo kam aderuar deri më 24 korrik dhe aq më tepër Kryetarja e saj. Nëse ajo mendon se, duke theksuar herë pas herë defekte dhe të meta tek ish-drejtuesi i LSI-së rrit profilin e saj politik, kjo është një zgjedhje e saj.

Dakord. Ju mendoni se ka të bëjë me individualitete dhe arritje të profilit të saj politik, por në fakt ka një akuzë konkrete të Monika Kryemadhit ndaj jush z. President…

Meta: Për çdo akuzë konkrete të Kryetares së LSI-së ndaj meje, për çështje konkrete, sepse e kam dëgjuar disa herë, Kryetarja e LSI-së mund të pyesë Kryetarin e Grupit Parlamentar të LSI-së, z. Vasili sepse ai ka qenë, jo vetëm krahu i djathtë i imi gjatë drejtimit tim të LSI-së sidomos në katër vitet e fundit, por ka qenë prezent në çdo takim, çdo bisedë, çdo tryezë ku janë diskutuar çështje të tilla. Madje dhe në tryezën e Këshillit të Sigurisë Kombëtare ka qenë z. Vasili sepse ka qenë në pozicionin e Ministrit të Drejtësisë.