Flash News

KRYESORE

Mbyllet samiti i ‘Brdo-Brijunit’, Meta: Kosova dhe Serbia treguan gatishmëri për dialogun

Mbyllet samiti i ‘Brdo-Brijunit’, Meta: Kosova dhe Serbia treguan

Edhe samiti i ‘Brdo-Brijunit’ në Tiranë u dominua nga çështja Kosovë-Serbi, por, sipas presidentit të Shqipërisë, Ilir Meta, liderët e të dyja shteteve u shprehën të gatshëm për rifillimin e dialogut, i udhëhequr nga Komisioni Evropian.

Në konferencë, Meta theksoi se të gjithë në rajon duan që dialogu midis Kosovës dhe Serbisë të përfundojë me një marrëveshje ligjërisht të detyrueshme për palët.

“Të gjithë do të donim që dialogu Kosovë-Serbi të kishte përfunduar dje, por nëse të dyja proceset (Marrëveshja e Prespës) do të kishin ndodhur në të njëjtën kohë, do të na ngatërronin sikur të ishim në Beneluks. E rëndësishme është që mbizotëroi klima e bashkëpunimit”, theksoi Meta.

Edhe presidentët e Kroacisë, Sllovenisë dhe Polonisë i dhanë mbështetje rifilimit të dialogut dhe përshëndetën frymën e qetë të diskutimeve në samit.

Samiti i ardhshëm i ‘Brdo-Brijunit’ do të zhvillohet në Slloveni.

Ditari politik

Të fundit