Mbylli rrjetet sociale, bëhet i gjallë Ledion Liço: Kurrë mos thuaj kurrë! Big Brother s’do e prezantoj unë

Bëhet sërish i gjallë Ledion Liço, një muaj pasi mbylli rrjetet sociale në Instagram dhe Facebook.

Në një intervistë për  ‘Thuaje me Pepsi’, Liço ka shpjeguar pse ka ardhur ky vendim, para dasmës së bujshme në Itali me një nga trashëgimtaret e Top Channel, Sarën.

“Kurrë mos thuaj kurrë, por unë nuk dua t’i rikthehem rrjeteve sociale. Dua të kem qetësinë time dhe po e shijoj këtë kohë. Mbase nuk do e hap përsëri ‘Instagramin’ ose ‘Facebook-un’”, është shprehur Ledioni, ndërsa ka treguar edhe për planet e sezonit të ri në Top Channel.

“Nuk do e prezantoj unë ‘Big Brother’. Edhe këtë sezon do jem në ‘The Voice Kids’ dhe besoj se do jetë sezoni i fundit që do e prezantoj këtë program. Viti është i gjatë, mbase do të prezantojë edhe ndonjë program tjetër në të ardhmen”, përfundoi moderatori.